رقيت مرقابٍ تعـلا عـن الوطـى=مدهـال قلـبٍ باالغـرام جريـح
ساعة رقيته كن دنيـاي ظلُمـت=قامت دموعي من عنـاي تسيـح
العقل غارق باالتفاكيـر وابتلـى=والهجس وارد واللسـان فصيـح
ياشعر غرد خارج السرب وارتفع=الصـدق يرقـى والشعورصريـح
ارقى وعانق باالسمى كل شاهقـه=مابيـك بعيـون العبـاد تطيـح
وياقلبي المكسور مانـي بلايمـك=لاصار وقتـك والزمـان شحيـح
لاجيت ابنسى مامضالي من الهوى=البـال عيـا مـن عـزاه يسيـح
كله سبايب مـن كوانـي فراقهـا=منها الجوارح والجـروح تصيـح
هذيك لو طال المـدى مانسيتهـا=غابت وحطت باالضميـر ضريـح
ام البها تاج الحـلا قايـد المهـا=قلبي عليهـا لـو يقـوم طريـح
فارقتهـا فـي ليلـةٍ ماهقيتـهـا=والكذب زايل والصحيـح صحيـح
قولولها يااللـي تمـرون بيتهـا=الوصـل نعمـه والغياب قبيـح