سرى الليل وعيوني جفاها منامها=على الهنوف اللي جفاني سلامها
من دونها الاخبار عنًي تقطعـت=غابت بدون اسباب مدري علامها
لا سال لا مرسال بينـي وبينهـا=المهره اللي ماتطـاوع لجامهـا
لاقلت ابنساهـا غلاهـا يردنـي=وغيابها يفرض علـي احترامهـا
روحي من الفرقى عليها تمزعـت=ومشاعري ضاق الحشا بااحتدامها
هذيك انا ماشفت باالبيض مثلهـا=لا شكلها لا صوتهـا لا كلامهـا
عقلي يعاندهـا وقلبـي يطيعهـا=لاسلهمت باالعين وارخت لثامهـا
لو كان في تعذيب قلبـي تفننـت=حلفت منساها ولا انسى غرامهـا
يابنت عقب النور دنياي أظلمـت=وبيض الليالي ماتشابه ظلامهـا
قلت القصيده يوم نفسي تضايقت=على الهنوف اللي جفاني سلامها