طبع الجمل يصبر على دقاق الأمور وجلها=وقفتك دايم ثابتة لادق ناقوس الخطر.!!
الله يعزك يابن جامع كلمتك في حلها=ماهي غريبة منك يارأس القبيلة والفخر
وكويتنا بجمالها وبحسنها وبدلها=مادام ابو ناصر حكيم الرأي ماغضً النظر
ياسيدي من بعد ربي في يدينك حلها=وتبايعك على العهد بدوان دارك والحضر
ملعون منهو ولعً الفتنة ومن طبل لها=الله يجعل كيد عدوان البلد وسط النحر
الدار مثل الشجرة اللي نستظل ابظلها=حنا نضحي لاجلها باليسر والا بالعسر
وياللي تشكك بالولاء خًل الدعاوي خلها=آل الصباح شيوخنا طال الزمن والا قصر
تبقى الحرار احرار والغربان ترشف غلها=اليا احتمى الميقاف تنعق قدمها صًح الخبر
يالله في غيث الحيا ارض الكويت ايعلها=الوضع صاير كنه البركان يغلي به جمر.!!