بسمك إله الكـون ياخيـر معبـود=يامنجي إبراهيم من كيد الأنجـاس
ياغافـر الـزلات ياخيـر محمـود=أعوذ بسمك لاغزا النفس وسواس
بذلت في زيـن التماثيـل مجهـود=بنات فكري شوقها عقـد الألمـاس
أبيات مصدرها من الجاش مـورود=تسلسلت دونتهـا فـوق قرطـاس
حب الوطن بالقلب ثابت ومرصـود=يجتاح كل الخلق تعبيـر وأحسـاس
كويتنا عز العـرب منبـع الجـود=تشهد لها كل المحافـل والاجنـاس
اّل الصباح مطوعـة كـل نمـرود=أخوان مريم فعلهم يرفـع الـرأس
أميرنا جابر لـه الـرأي مسيـود=أبو مبارك منقع الطيـب والبـأس
من زود حبك حبك الشعب في زود=من زود طيبك أصبح الشعب غراس
سعد عضيده مارثٍ مارث العود=أبو فهد زيـزوم قطـاع الأنفـاس
صباح الأحمد فاتلٍ كـل معقـود=سبك السياسه وحبكها طير قرناس
رعاكم الله ياعسى العمـر ممـدود=دمتوا ذخر للدار والشعب نومـاس
الشعب واحد كلنا سنـود وعضـود=دون الوطن أرواحنا مالهـا سـاس
الله يديم الأمـن والخيـر مسـرود=اّمين ياللي جاعـل العلـم نبـراس
حب الوطن ماله مساحات وحـدود=لو أتمادى بالشعـر مالـه اقيـاس
صلاة ربي عـد ماذعـذع النـود=على النبي الهاشمي صفوة النـاس