مساكم الله بالخير
الله يبيض وجه راع المواجيب
احمد ليامنك نصيته لقيته
يضل ضله عن سموم الواهيب
الله يدوم العز في وسط بيته
يستاهل التقدير واعلئ المناصيب
راع المواقف موقفه مانسيته
طيب الشحومي ياوجيه الاصاحيب
عند القبائل شاع ذكره وصيته
وانا أتشرف فيه عند الاجانيب
وعند العوازم يرحم الله ميته
واطلب من اللي عالم السر والغيب
الواحد المعبود لأمن دعيته
يبطي وجوده علي العز والطيب
سيفً ليا جات اللزوم احتميته
يومه فزع لي يالربع والاقاريب
داخل علي اللي حجة الناس بيته
اليا طلبكم أفزعوا للمطاليب
يومه لوجه الله فزع يوم جيته
في كربتي من قبل لاينبت الشيب
حتي غزاني والفرج مالقيته
وضاقت فجوج الأرض لاشك لاريب
مافيه حيله والصبر ماقويته
واللي طرالي فزعة الذيب لذيب
فيه الهقاوي من ورا اللي هقيته
وارسلت له ماصار لي فالمكاتيب
قال ابشر ابشر حاضرً مابغيته
هذي مواقيف الوافا والمواجيب
اليا نصيته فاللوازم لقيته
ماهو عشان المصلحه والمناصيب
يرخص حلاله للقبيله فديته
واللي سواته ماتجيه العذاريب
ان قال قوله بالفعل احتريته
قول الحقيقه قلتها مابها عيب
من طيب راسه طال عمره وصيته
وختامها بالمسك والعود والطيب
بيتي قبل عيد الضحيه بنيته
وسلامتكم