ماني من اللي ينظمون الهزايل=احكم بيوت الشعر قيفان ووزان
استدرج الفكره وعد الجزايل=واخذ من الابحار لؤلؤ ومرجان
عقدن فريد يلوق لام الجدايل=قصيدتن باسم الوطن عالي الشان
كتبتها من بعد شفت المخايل=تمطر على داري من الخير هتان
وحولت اوصلها بكل الوسايل=امكمله بالطيب والطيب عنوان
دار الكويت وبالكويت المثايل=فيها العطى والجود في سر وعلان
وفيها تلاقي كاسبين الجمايل=للخيل خياله وللحرب فرسان
الشعب واحد من جميع الحمايل=حضر وبدو في داري انساب واخوان
هذا الوطن من كل الاطراف نايل=نال الكرم والطيب والعز برهان
والعلم مثل السيل بالارض سايل=بارض الكويت مجنبن كل نقصان
ياكويت دونج عادله كل مايل=ال الصباح امرجحه كل ميزان
صباح الاحمد فيه طيب الخصايل=اميرنا عز الوطن ذرب الايمان
محنك سياسي من مثيله قلايل=ابو اليتامه والارامل كحيلان
ويالحاسد الحاقد خبيث العمايل=حصيلك العودان في وسط الاعيان
اكويتنا عنها ترا الشك زايل=ماهي من اللي جزات الشعب حرمان