الله ثم الوطن واميرنا الغالي=ارموز مادمت عايش ماتجاهلها
الله موتي وحياتي بيده الوالي=وان صعبت امورنا وحده يسهلها
احمد وشكره في حلي وترحالي=ويستاهل الحمد ونفسي له اذللها
يالله ياخالقي صلح لي احوالي=واغفر ذنوبي وبالحسنات بدلها
واحفظ وطنا من اللي مالهم والي=بامانك الدار ياربي تظلها
ياكثر ماشفت في هالوقت حيالي=اخبارهم شاشة التلفاز تنقلها
وانا على من يعيل اليوم عيالي=اسلاحي اشعاري اكتبها وامولها
شاعر وطن والوطن ابدع له اجزالي=ابيوت شعري تنومس من يحللها
مثل الرصاص ان قدح في ساعة اقتالي=فتنت خبيث البشر بالحال نقتلها
ياهيه ياللي هقيت الناس جهالي=فتنتك بعقول بعض الناس تدخلها
ولا لبيب العقل ماصابه اهبالي=كلمة خبيث الفكر يعرف يعاملها
زرعت فتنا وصحت ابقول انا مالي=لكن مثلك تراه اليوم حصلها
حنا حمات الوطن رجلي وخيالي=ومن مالت اخطاه خطواته نعدلها
وحنا فداء للكويت ونرخص الغالي=نموت وكويتنا محدن بطيايلها
كويتنا ماهي بلعب للانذالي=ان دارت المعركه تقدح فتايلها
شريعة اسلامنا مادونها اجفالي=يشوش راسي لها واتبع وسايلها
لو بالدول يالامير انشوف الاهوالي=صفوفنا ثابته محدن تختلها
صباح ياسيدي ياطيب الفالي=نفسك مع الشعب رب الكون جملها
حرن ولد حر قطاعن ولا تبالي=لا قلت كلمه تتممها وتفعلها
كريم ومدات جودك غيث همالي=مثل السحابه ليا هلت همايلها
وحلال حل حيل للصعبات حلالي=وتحايل اللي عقول الناس حايلها
وثابت وعزمك يدق اجبال وجبالي =وهموم شعبك على الامتان شايلها
انت الامير اللذي نضرب به امثالي=وانت الوحيد اللذي زين مثايلها
لي الفخر في فعولك دق وجلالي=وابيات شعري تعبر لك دلايلها
انا ليقت اليتيم اللي بلا والي =معاه صورتك حضنها يقبلها
لكنك كفلته وذاق الشهد والحالي=وتمش دمعت عيونه ماتنزلها
حتى الارمل دعت يارب ياعالي=تحفظ اميرن فعول الطيب نايلها
وجعل لنسله وسط جنتك مزالي=وتستره لابان للانفس عمايلها
يامير حبك تعدا حب الاموالي =حبن طبيعي ورح الشعب شاغلها
انت الذرى والوفاء يانسل الابطالي=هذي حقيقه ونفسك مانجاملها
ومن بعد ذكرك وجب نذكرلك التالي=اللي اخصال الوفاء طابق خصايلها
ولي عهدك به الامثال تنقالي=اكبار الافعال والصعبات نايلها
ظرقام صنديد نقاضن وفتالي=تاريخ وقفات ابو فيصل نسجلها
كم من وزاره مسكها عزها طالي=سياسته حافله ماهو بخاذلها
انتم ولات الوطن وانتم له اظلالي=من بعد رب الملا منشي مخايلها
والله ثم الوطن واميرنا الغالي=ارموز مادمت عايش ماتجاهلها