اشتقت لك يابعد ناسي وخلاني=من كثر شوقي اردد يالالاله
ادق رقمك عسا ماني بغلطاني=ادق مره ومره ورسل ارساله
ياهيه قلبي عليك اليوم ولهاني=جوي تعكر وفكري حالته حاله
ضايق ولاني بيم افلان وافلاني=ومن شاف حالي يقول اليوم يرثاله
سالي وداله واجر الصوت بالحاني=كني لحالي ولاحدن جالسن حواله
الشوق دايم يدورني ويلقاني=والقلب يمشي معه دايم على فاله
مايدري ان الجروح اجروح وجداني=وكم واحدن من سببها ضايقن باله
لانامت الناس طول الليل سهراني=حتا اذا شاف له هندي تشكاله
وكم واحدن ماعرف فرقا وهجراني=درب الهوى تو قلبه ماتهياله
وانا من اسباب خلي طحت مرضاني=وعلاج ما صابني شوفته ووصاله
لا يابعد من يعذرب منطق الساني=اللي علوم النميمه اطيب اخصاله
ويابعد منهو بخيل ولابه احساني=استغفر الله عساني ما افعل افعاله
لاحول وش صابني من خدر الاعياني=ليته بوقت اتصالي هاتفه شاله
مكان غنيت يالاحي وليحاني=ومكان رددت يالا يلا لاله