الشاعر الكبير سعود بن سعد الصقلاوي المحيلبي العازمي ولد سنة 1882 وتوفي رحمه الله في
سنة 1937م بمرض الحمي والتي كانت تسمي (حمي القطيف اوحمي الحسا ) بعد عودته من الاحساء ودفن في مكان يسمي (احربات ) وسعود الصقلاوي هو شاعر الحرايب
بلا منازع الشاعر الجزل الشجاع الذي طالما جند لسانه للدفاع عن قبيلته في أصعب الظروف التي مرت بها ويعتبر شعره مرجعا للباحثين .
راكـب اللـي ماتدانـي العراقيبـي = من مواجيـف المناصيـر خبابـه
مثـل قـوس ٍعدلـوه اللواعيبـي = منـوة المطـرق ليا منـّه أومابـه
يامـودي العلـم خـل المناصيبـي = راعي الهفهوف نوخ علـى بابـه
محتمين التالي بزيـن المقاضيبـي = فى نهـار ٍثـور الملـح بأطنابـه
مسقي العدوان شيـن المشاريبـي .= لو حريبـه نـازح تلحـق أسبابـه
مثل سـم ٍمـن مغنـه ليـا جيبـي .= مشرب الهالك علـى كبـد شرابـه
وصلوا علمي فهـد يأهـل النيبـي = ياموديـت الخبـر قبـل يـدرابـه
مثلهـا حـر ٍ سريـع المهاذيبـي = له زمانيـن ٍ مـع القفـر يرعابـه
شيخنا عبدالله اللـي لـه الطيبـي= مثل قيف ٍ عـن سمـوم انتذرابـه
خبـره يـوم اعتدونـا الأجانيبـي= واهرج اللي صـار ياناقـل كتابـه
يوم ابن عشوان بـاق المعازيبـي =رد عبد الشيخ والحـرب يسعابـه
يحسبنا أهـل القرايـا الحواطيبـي = يـوم مندوبـه يكـزه بمشعـابـه
ويـوم جانـا شيخنـا بالمكاتيبـي = جمعنا يمشي على الجمـع ماهابـه
نـاد ياطيـر الخليليـن للذيـبـي = الوعـد جـو النقيـره تعشـابـه
جاء نهار ٍ فيـه جـدع الأصاويبـي = واستوى الشايب شباب وضحك نابه
استهجنا بوشهم والرعابيـبـي = واقتفينـا اللـي ورا العـد عزابـه
وناروا البرهان من شوفة الريبـي =قصرهـم خلـوه والبـوم غنابـه
واجه الديـان راعـي المطاليبـي = واقتضى من راعي الديـن طلابـه
بأم خمس اللي تفـج المضاريبـي = وأم تاج اللي بهـا المـوت ترابـه
ياعلي هابس مروي المغاليبـي= شيخك اللي ترثع القصر ترعا بــه
جا عشن لمعكفـات المخاليبـي= وقبله ابن حسين نايف رمينا بــه
جمعهم مـن جمعنـا ذاب تذويبـي = مثل غثو ٍخمـه السيـل وأللوابـه
يامديـر الشمـس يـم المغايـبـي = مودع ٍ راع البحر تمشي أجلابـه
نحمـدالله مانبـوق الأصاحيـبـي = والمعـادي ضربنـا فيـه يحكابـه
والقصيـر ليـا نـزل للمواجيبـي = حاشمينه ليـن تقفـى بـه ركابـه
يانديبي فـوق منعـوت النجيبـه =منوة اللي ضارب ٍ دوٍ خلاوي
ان نزرهـا مـا ورا الوجنـه تجيبـه = نابي بردوفهاا عشـب المطـاوي
مثل ربـداً حققـت بالعيـن ريبـه = ذارهـا القنـاص والخـد متسـاوي
يم ابن حثليـن بـوار بصحيبـه = خبـره ياللـي عليهـا بالـدعـاوي
عندنا له بندق تفرى الضريبـه =صنعـة الكافـر مخابيطه هـداوي
يوم ابن فوران ماعنز نصيبه .= يحسب ان اجموعنا جمع الحساوي
حنا يا منّه عوى ذيـب لذيبـه =نكعم اللي صار في روحه هقـاوي
من علي الجدان مانرضي الغليبه = نجعل الحراف في كبده مكاوي
جمعنا يا جا اللقى حضـب حضيبـه .=مثل سيل خمه الوادي النحـاوي
والفتي ماكتب في عمره يصيبه = عند مرجع للوطن عشب السناوي
يامسوي البن زله عن سريبه =زينه للي يحبون القهاوي
واجعله للي يحاضون الحطيبه =يوم ثار الملح وصياح وعزاوي
واترك اللي ماحضر يوم الحريبه = خاين بالروح للدنيا رجاوي
شد أبن جامع وعجل بالشديدي = عقب رعي الحبل بدل بالنقاير
وركب الطارش على زين الفديدي =بالشلايا روّحت يم العماير
صيح الصياح بالعلم الوكيدي = وعوّد الصياح ما عيّن سفاير
عاف من قيال ٍ في ظل الجريدي = عند خثراتٍ يحطن العطاير
يوم ولد زمام ما حوى التفيدي = كود مردود الخزا هو العذاير
ما جزانا يوم جزاه الضديدي = في نهار ( مريخ ) يوم العج ثاير
طالبك ياللي تسمح للعبيدي = عزنا ياللي خبيرٍ بالسراير
ياهل العادات زينات العديدي = كاسبين المدح فـي ايام العساير
محتمين الدار بالبندق والإيدي = بالفتايل قبل عجلات الذخاير
يوم أبن سلطان جانا من بعيدي = باغ ٍ السوده لزينات العشاير
نازلوهم منزل ٍ ذيده يعيدي = يشبع السرحان في نطل العقاير
ليت فيصل واجه الجمع الحديدي = مثل ( أبن فوران ) ويسوق البشاير
ضربنا للي مثل فيصل يصيدي = مير فيصل حط من دونه زباير
همل الهجره مع العهد الجديدي= وانهزم للي يحطون الزقاير
يحسبون أجموعنا جمع ( الرشيدي ) = في ( حمض ) يوم انهم راحوا كساير
مدوا الدربيل والشايف يزيدي = ويوم شاف الصامله ودعيج ناير
يانديبي علي زين التهاذيلي =دارب يقطع الفرجه بمرواحي
يوم حل الوسامي والمحاصيلي=يضرب القفر له مع ذود مصلاحي
يمرس مراس دراج المحاحيلي = راكبه ينحر العارض ليا راحي
يم شيخ البلد ملفي المراسيلي =شيخنا اللي صحينا له وهو صاحي
علمه يوم جونا هالمغاليلي = واستوي موسم ماجا له ارباحي
يوم ذيب الغماميس الاطاويلي = حط له في رضي مقيال ومراحي
كم صبي رمينا به ولاشيلي =من ندبنا يطق الخد بلاحي
ضربنا في الملاقي له تنازيلي = مثل ضرب البرد من ماطر طاحي
ومثل ضو تشعل به تشاعيلي =لابة ٍمايعرفون التصفاحي
نذبح الشيخ من جيل علي جيلي = كل مابار شيخ عقب الاصلاحي
يامديـر القـمـر يّــم المغاييـبـي = عادل الميل عـن ميلـه ليـا مالـي
هاضنـي عنـد زينـات المحاليبـي = موسم ٍ يـودع الشيـاب جهالـي
استوت نقوت ٍ بيـن المعاطيبـي = في طوارف رضى من يّـم الَشمالـي
مثل سيل ٍ حضب له مع محاضيبي = من صدوق المخايـل يدهـم الجالـي
واحتزمنـا بزيـنـات المقاضيـبـي = واختلطنا الضحـى رجلـي وخيالـي
فالمحاجـي تقاضبـنـا تقاضيـبـي = وادبرت قوم نايـف عقـب الفعالـي
واعجبونـي بنـي عمـي تعاجيبـي = يـوم حنـا عليهـم ناخـذ العـالـي
ينطلون العلـف لـــ. طيـر والذيبـي = فـي نحرهـم تكـوز كـل مشوالـي
وهـل الجيـش وروه المشاعيـبـي = جنبـوه الرديـف وخلـوا التـالـي
وهـل الخيـل زينـات المهاذيـبـي = مثل صيد ٍ من الأونـاس جفالـي
هيض القصاد فعل العوازم يـوم صـار = يـوم واق النايفـة هيضـه مرقابـهـا
يا مخيـل هـل وبلـه شمـال واستـدار *= فيـه ضـون للمناعيـر يـوم لعابـهـا
وبله البارود تمطر به الشـرف القصـار = وأم خمـس موسعـة باللقـا مضرابهـا
صبح العجمـان نـوه وخلاهـم دمـار = مثل ضون فوقها المـا نثـر واطفابهـا
وانقلب لمطير واردف عليهم مـن يسـار = لين نارت خيلهـم مـا تعـوج ارقابهـا
ويوم راعي البيرق أردف من البيرق ونار = شايف لـه عندنـا شيفتـن يدعـى بهـا
لابتي لاجـا الملاقـى يبيعـون العمـار = مثل جـلاب الجلايـب علـى قصابهـا
هيه يا الطرشان ياللـي تـودون الخبـار = فـوق حيـل ضمـرن منتـوي ركابهـا
علموا بفعولنا واهرجـوا هـرج القـرار = ليا لفيتـوا ديـرة الغـرب يـا جيابهـا
كم هنوف من بني يـام ملبسهـا حمـار = تلبس الثوب الغبر عقـب زيـن ثيابهـا
يالإمام احلم تـرى الليـل يقفـاه النهـار = والسيـوف الناصحـه لاتهـد انصابهـا
محتمين الدار يـوم الجنوبـي فيـه بـار = يـوم كـل بـار بالـدار مـا برنابهـا
راكب اللي تقطع الدو في زين الخبيب = مثل ربدا تنهض الريش يم عيالها
يا مودي العلم ياللي على بنت النجيب = لا تغر من الرسن يوم زاد جفالها
تنحر اللي صايرٍ دونهم دو ٍ يهيب = يوم ابو دارع وقف بالشليل اومالها
شب ضو ٍ فالمراقيب للغايب تجيب = لين غياب العوازم تجيك ارجالها
جعل غمرٍ تقضب النوم عينه للطبيب = ما تشوقه لابته يوم سمع افعالها
يا مسوي حمسة البن تنوه السريب = خطروه الاوله لا يجي فنجالها
تّرك اللي بالمواجيب عن ربعه يغيب = يوم ضيان العوازم تشب اشعالها
يا بن مانع وصل العلم ابن جامع حبيب = وانهم اللي فيه شوباش من عيّالها
ينّهم اللي فيه شوباش بالصوت الصليب = والردي المرجله لا ينوش حبالها
تنهم السوده من الصيف رجعان وحبيب = دارنا اللي يوم ثار البلا جينالها
دارنا هي دارنا لا عوى ذيبٍ لذيب = ما نهاب الموت ننزل على نزالها
محتمين الدار بالخوف واشرب يا شريب = يوم بياع الفحم مابغا من منزالها
يوم جا جمع المعيضي مثل سيل الشعيب = اعترضنا مثل طعسٍ حدته ارمالها
نفهق الاول على اللي وراه من الحريب = بأم خمس اللي مخابيطها تعبالها
نازلوهم منزلٍ عقبه الخاطر يطيب =لين يعاف الدار لمحقبّه وجبالها
وانقلب جمع المرازيق يوم اقفى عطيب = ايتهزا مثل بيرٍ تهدم جالها
احّمد اللي بدل الحال بالحال العجيب = وسمهل اللي على الكبد عقب غلالها
يانديبي علي اللي بالرسن طاعي =نازح الدار يدنيه بنهاريني
مع طمان الغبو ياخذ بك انواعي = مثل وصف الطفوق من الشياهيني
يم عبدالله اللي بالخبر شاعي = مثل ضلعن طويلن بالمباييني
هيه يا راكبه ياللي على الساعي = اهرج اللي جرا بين الحفيفيني
يوم جانا المطيري ماله اسناعي = جاه علمن توديه الطراشيني
جمعنا بالحرايب يوم ينداعي= يحسب احسابه الاقصى والادنيني
جمعهم قدمنا جاله تمزاعي = انشد اللي حضر ويشوف بالعيني
انشد اللي حضر ما هو بفراعي = شاف بالعين ما يوفي اهل الديني
يشبع الذيب وعياله ليا جاعي = من العبيات وعيال الدياحيني
يوم هابس ضرب في كبده القاعي = وينكم عنه يا ربع العشاويني
كان تزعلك منا ذبحة الراعي = كد ذبحنا العرافا وابن حثليني
يامخيل (ن) هل وبله على جوبة نقير = فيه ضو (ن) تاكل اللي يجي لاهبوبها
في نهار (ن) غيّب الشمس يوم أن الذخير = مثل رجاف الرعد في ثقيل انصوبها
صبح العجمان نوّه وصاب أول مطير = واسمهلت عقبه الكبد في مشروبها
كم صبي (ن) في نحانا من البندق يعير = نجعله يم الحنادي يجي من صوبها
يوم ابن سلطان جاب الرغى عقب الهدير = عاف منزال النقيره وعاف دروبها
يحسب (ن) الدار يالاه بسروح ونشير = وقبله البرهان واهل الوطن عيوبها
واخسارة مركب الخيل عند اللي ينير = في نهار (ن) ياهل الخيل جا ماجوبها
ويامزين حمسة البن يالقرم البصير = لاتجي الذلان يم جودة عرقوبها
هيه يالصباب ياللي تبي الدله تسير = خف ربع (ن) باللقى يسترون عيوبها
اضرب الغابات واللي من المولا يصير = والأجال موقفات (ن) على مكتوبها
لابتي عاداتهم ذبحة الراس الكبير = والليالي من قديم (ن) على مسحوبها
يانديبي على اللي تقطع النيّه = مثل طير (ن) جذبه الصبح جذابي
يم دهلوس والربع الجلاويّه = ربعنا اللي ذكرنا يوم الأنشابي
عين تسهر وعين (ن) ترقد الفيّه = تشرب ( الجاه ) وتراعي للجلابي
فعلنا يا (( مقيضة الرميثيّه )) = يعجب اللي يتعزوا عند الاجنابي
يوم جونا مثل سيل (ن) له نحيّه = أعترضنا سوات الطعس شرابي
ضربنا في مقاديم المعيضيّه = مثل بيت ٍ تقشع منه الأطنابي