الشاعر جمعان مجبل
وقصيدتة
الشعر ينقش في حجر والارض يسقيها الغدير= من المعاني كل مازانت وما مر الغمام
الليله الليله حديث الشعر والكلمات غير= الله يبلغكم جزيل الاجر في شهر الصيام
كلن يجيب اللي يجيبه والقوافي ما تحير= فالموقف اللي يستحق الشعر ويثير الكلام
اسرجت خيل الشعر والعاقل على نفسه شوير= الله يجملنا ويكفينا الخطايا والملام
لها لساني سيف واعماقي لفكرتها جفير= تمشي على حسب الاصول ولاتخالف للنظام
الله يعز الدار واهل الدار يجمعهم مصير= في حكم شيخن للمراجل عز والنخوه حسام
يا مرحبا ترحيبتن يصدق بها السان وضمير= اعداد ما هل المطر واعداد تغريد الحمام
ترحيبتن يصدح صداها بين هالجمع الغفير= مني لذربين اليماني والرجاجيل الحشام
يا مرحبا باللي لفانا من كبير ومن صغير= الكل له مني تحياتن وتقدير وسلام
باسم مجالس لابتي ترحيب بضيوف وامير= الكل له تقدير من طيبه وفعله واحترام
اللابه اللي فعلهم معروف باليوم الكبير= الد عطا تاخذ من الامجاد ميراث وسام
العزوه اللي لاحما الموقف على الفزعه تغير= لها من التاريخ والافعال مجدن ما يضام
اللي لهم نهجن على درب المراجل مستنير= للطيب والوقفات والفزعات منهاج وسنام
يوم انها بالسيف والدنيا رحاها يستدير= نفك من حده زمان الضيم ونعز الامام
من حدته سود الليالي في ذرانا يستجير= نارد على عد الروى ولانصدرها حيام
والله يعز الدار واهل الدار في رحمه وخير= والله يجمعنا معاكم ياجماعه كل عام
الشاعر محمد بن مريبد
وقصيدتــــة
اليا وقف لي ستت اعضا من العوازم يالرزين=والله لرد عد الروى بإذن الله الواحد احد
انا ولدهم وإن زهمت ابنا عطاء في كل حين=والله لسوق الرجل من اول بلد لـآخر بلد
ما تصغر كبار الحمول إلا على ذرب اليمين=والفعل يظهر صاحبه والعرش ما يبقى لحد
ما قدموهم ربعنا إلا ان مواقفهم تبين=في خانة الأعداد الأولى ماهم كمالة عدد
هم درعنا مثل الأسود الكاسره دون العرين=وهم غيثنا مثل السحاب اللي سرى برق ورعد
يوم الردي فالموقف الغصاب مكتوف اليدين=اهم على كبار المواقف ما ثنو عنها جهد
يا صالح الموضوع عندك لكن اقوله لمين=اسنده على فهد وإلا على جابر سعد
وإلا على عبدالله ومخلد ومرزوق العوين=وإلا على حسين الوزير المعتبر طير السعد
مع انهم عندي يا صالح راس مال وموق عين=وإن جيت واحدهم بحاجه فز فيني ما قعد
لكن موضوعي كفاية فرض ماهو فرض عين=ومرت سنين العمر والفلاح يزرع ما حصد
لكن بسندها فهد يالله عسى ربك يعين=مثل ما سند جابر الأحمد على الراحل فهد
لايا فهد وإن كان تبغيها بفزعة لوّألين=حنا ليا جونا على غرّه نجي نربع هدد
وإليا ضربنا ضربنا اللي يودع القاسي يلين=وإليا تعاهدنا نموت من الوفا دون العهد
لايا فهد وإن كان تبغيها عشيش وبيت طين=ابوي بالصيهد بناله بيت من طين وعمد
وإن كان تبغاها بفعلك يا عشير الغانمين=انت الرجال تقولي يا سعد منهو له سند
ما جيتك إلا بالقصيد اللي كما الدر الثمين=تستاهله وإن سمعه اللي يعرف فعولك شهد
شجاعتك تناقلتها الناس من عدة سنين=ومواقفك منها مؤشر بورصة لسهم صعد
وإن قلت تم أقول تسلم والوفا لأخوك دين=دينٍ على الحر الأبي والحر ما يخلف وعد
يا نايب الريّس تبيها كاش والعلم اليقين=إن ما ألقحت في بنت يالنايب مابي منها ولد
الشاعر فرحان بن محمد
وقصيدتــه:
في دفتري خطيت من روس الأقلام = وأسرجت من فكري بنات الأصايل
ووردت هواجيسي على الجمّه حيام = وإخترت من نقوا البيوت المثايل
شاعر ولا هزّتني صدوف الأيام = لو حال عن شي ن تمنيت حايل
أحوم مع طير السعد كل ماحام = ومن خلقتي ماقد وقفت متمايل
الشعر ماجاني مثل طيف الأحلام = عيني على راس الطويله تخايل
سلام ... ياعمر ن مضى كنّه أيام = أخذت فيه من المصالح قلايل
وسلام ... ياوقت التفائل والأحلام = براد ليل ن وإقتفته القوايل
وسلام ... ياليل ن سهرته بالأوهام = كله سبايب ناقضات الجدايل
وسلام ... ياحب ن أفل نجمه العام = وسلام ... ياكحل ن على الخد سايل
اللي مضى قفى مثل حكم صدام = الله يبيحك يالسنين الأوايل
واليوم لأهل المعرفه سقت الأقدام = ولبيت دعوة نادرين الخصايل
ماجيت أدوّر جمع جمهور وإعلام = عيون ( ترفه ) ماسبت قلب ( صايل )
سلام ... يأهل المرجله ريف الأيتام = ياعون من صكة عليه الهوايل
ربع ن على قلبي عزيزين وإحشام = أهل الوفا والعز نسل الحمايل
مافيهم اللي من عنا الوقت منظام = ( بني عطا ) ربعي شقا كل عايل
صغيرهم في ساعة الضيق مقدام = وكبيرهم ماله شبيه ومثايل
سلام يارجل ن عن الواطيه شام = مزبّن المظيوم راع الجمايل
راع اليمين الوافيه نسل الأكرام = نادر وجوده في جميع القبايل
معكاز للي من عنا الوقت ماقام = وسيلة اللي مالقاله وسايل
العز في يمناه والمجد قدام = والشك فاللي مثل شرواه زايل
يابو محمد ... والله إنا لنا أعوام = فالمنتدى مابين صايل وجايل
حفظآ لموروث القبيله والإسلام = وحرصآ على حفظ النسب والسلايل
واليوم رفرف بيرقه بين الأعلام = علم ن صحيح ولايبيله دلايل
في ظل دعم أهل الوفا ريف الأيتام = يبقى مكانه فالصفوف الأوايل
نهاية التغطيــــــــــــــــــــــــــــــــة
وهنا موضوع خاص للتغطية الاعلامية لمجموعه من الجرائد الكويتي الرسمية
http://www.alawazm.com/vb/showthread.php?t=51558