الكل ينتظر iPhone 4 هنا ميزاته ....... وعذروبه ؟؟

[هادي الحجيلان]

السلام عليكم ورحمة الله وبركاته
يا اعضاء منتدى العوازم الكرام
والى المعجبين بقنبلة شركة Apple وهي iPhone


اليكم التالي


كلنا نعلم بأن موعد نزول iPhone 4 بالاسواق قريب جدا

والذين استخدموا 3gs ينتظرون iPhone 4 بفارغ الصبر

اليكم مقارنه و مميزاته




الصور منقوله
الايفون 3 جي اس قوي جدا وسريع جدا بالانترنت
وانا من مستخدمينه وانصح باستخدامه



الايفون 4 :

الاسعار طبعا بامريكا ومبين انه رخيص لانه للاستخدام المحلي ومع عقد

اما المفتوح للاستخدام الدولي

السعر اذا نزل عندنا بالكويت تقريبا 290 دينار وما فوق
اي 1000 دولار تقريبا



ولاكن المشكله اللتي ظهرت بالايفون 4 بغض النظر عن مشاكله وعذاريبه الي قبل

هي الاهم بالنسبه للمشاكل اللي بالايفون 3 جي اس اللي ما تغيرت على ما اضن

مشكله الايفون 4 :
اول شي
الشاشه من الكرستال والخلفيه على ما اعتقد بعد كرستال

والاطار من نوع ستانلس ستيل
يتخدمونه للساعات
وهو فولاذ مقاوم للصدأ
ونستخدمه عندنا بالدوام كـ لاين (خط) لنقل المواد الكيميائيه اللتي تسبب الصدأ للحديد العادي
وهو غالي الثمن

والمشكله تكمن بهذا الفولاذ

بأنه يتكون من قطعتين لتكون اطار (يتحكمون بالسيرفس والواي فاي والبلوتوث وغيرها)

القطعه اللي هي بالزاويه اللي تحت على اليسار وهي قطعة السيرفس وميزات اخرى
اذا حطيت ايدك عليها راح يقل السيرفس تدريجياً

في ناس يقولون يقل وفي ناس يقولون ينقطع

راح اقطع الشك باليقين واقول

السيرفس فيه مشكله


وهذا اللي سمعته عنه واللي عنده معلومات ما راح يقصر انشالله
ويعطيكم العافيه

عسى ان الموضوع حاز ولو بالقليل من اعجابكم

[غلا عبس]

الله يعطيك العافية على الشرح الوافي

والآيفون والله بخاطري آخذه بس قالوو حساس حيل ويخرب وترددت

تسلم يمينك على الموضوع ولاهنت

تقبل مروري

[مجبل بن مويهان]

اي والله حتى انا كان بودي اخذي لي ايفون 4 لما ينزل لكن متردد


على العموم مشكووور على المعلومات القيمة وجزاك الله خير

[الشوق مجنني]

هههههههههههههههه

نصيحتي لا تأخذون اي فون ترى حساس ولازم تنزل في برامج مثل الاستيديو وكل شي فيه لازم برامج انا شريت واحد وراح مراح جدي




بببببببط جبدي

[م. محمد]

مشكلته بسيييطه جدا وحلولها وااجد..
اذا مسكت الآيفون عدل مراح يقل السيرفس..
وهم اذا لبسته كفر تقدر تمسكه بأي مكان تبيه بدون مايقل السيرفس..
مو حساس ولا يخرب بسرعه..
وبرامجه احسن برامج..
برامجه أكثر من 200000 برنامج!
نازل بالكويت
نزلوه الغانم قبل كم يوم بالأفنيوز..
وتقدرون تشترونه اونلاين من بريطانيا.. سعره مايتعدى 260 دينار..
الجهاز أفضل جهاز بالعالم..
يكفي انه من Apple

[بـدر الصواغ]

بصراحة الاي فون رأئع جداً

بس الجديد

يقولون في عيب في الشبكة

يعني له مسكه معينه بس

وغير هالمسكه يقطع السيرفس

والله أعلم

[طلق بن سعد التويمي]

انا عندي ال3g واعتقد ان اقواا من اللي بينزل

لاني على ماسمعت انه مو شي

بس بكره بينزل ويبين كل شي

[الـ،ـبـ،ـطـ،ـحـ،ـانـ،ـي]

جهازي 3gs نزلت عليه os 4.0 , وقصيت على نفسي قلت خلاص صار 4 ههههههههه ..

يعطيك العافيه اخوي ..

[The Queen]

انا عندي 3g العادي بدون S
,واستعماله يجنن وسهل
بس يبيلكم شوية وقت وتتعودون عليه

[هادي الحجيلان]

سهل جدا وحلو وما يبيله شي والله
هذا انا استعمله صارلي شهور يا اخواني وخبره فيه
واللي يقول حساس لا والله عادي لاهو حساس ولا يعلق ولا يعرف شي اسمه فايرس
انصحكم فيه بس الفور مشكلته مشكله
واللي بيقعد على ماله يسوي ابديت الفيرجن ٤ ترا حلو