عسى الله يقدّرنا على الطيب والمعـروف=وكسب الوجيـه اللـي يشـرّف محيّاهـا
وعسى جهدنا اللي نبذله والتعب مخلـوف=هذا مـا تبيـه انفوسنـا وغايـة امناهـا
غناة الفتى.. يمنىً ما يلحق عطاها خوف=ونفـس ٍ لباريهـا ولـرضـاه مبـداهـا
فلا خير في نفس ٍ هواها مُنـى وشفـوف=ولا في يميـن ٍ شحِّهـا فـي عطاياهـا
وانـا الحمـد لله لا منافـق ولا ملقـوف=اعرف الـدروب الموحلـه واتحاشاهـا
على سلم جداني ولانيب كسب اضعـوف=احـث القـدم لمطـاول الشُّـم وارقاهـا
خذيت الحياة اقدار وايام حكـم ضـروف=عليها وممشانـا علـى كيـف ممشاهـا
تبيّـن لعاشقهـا هنـوفٍ تسـر الشـوف=سهـوم المنايـا لأقبلـت فـي محيّاهـا
تغر السفيـه وتشعـل النـار بالملهـوف=وتطـرِب مغنيـن اللحـون بغنايـاهـا
ومن عافها ترجد عليه الليـال اصـدوف=تعيـفـه وتـبـلاه الدنـيّـه بلايـاهـا
وهي لو صفت ساعه ما ردّ العيون تشوف=وتدفـع ضريبـة مـا تمـدّ وتحـراهـا
ولو ان ربي في حـوال العبـاد يـروف=لكن الجزى يا تـي لهـا مـن خطاياهـا
يفوز القنوع اللي عليها ما ساق احسـوف=ولله در الـلـي يلـبـي وصـايـاهـا
اقوله وانا ماني بأمور العـرب مكلـوف=وكـل ٍ يـقـدّم عيشـتـه ويتعشـاهـا
(( يمر العمر لحظه وحلو السنين يطوف=وحوض المنايا غبّة ٍ ما نشـف ماهـا ))