تغيرت والصده جفا والجروح جروح = وأنا ما هقيتك يوم تقسى على أحبابك
تغيرت ماكني غلاك وحبيب الروح = ولكنك اللي قلت أنا أموت وأحيا بك
تغيرت لكن يا سقى الله زمان البوح = وأنا ليه اعاتب وانت لا يكثر اعتابك
تبي تغيب بعد آخر كلامك ترى مسموح = على ظنك اللي جيت به درهم اركابك
تبي تروح روح الله يسهل طريقك روح = أنا وش بقي لي منك لا طول غيابك
وش أقول؟ وانت اللي تغيرت يالمملوح = وانا ما أقنعتني هالمعاذير وأسبابك
اجيك بوله واشتاق لك والخفوق يفوح =واشوف المشاعر فيك ما شرعت بابك
عطيتك خفوق الود يوم الزمان شحوح = وأخذت الجفا والصد من باقي حسابك
وأنا لو تجيني زلتك قلت لك مدموح = اعذرك وأسامح وارتقي فيك وارقابك
قصرت النظر فيني وأنا مبعدن بالشوح = وذبحت الورود اللي من العام تزها بك
ترى ما بقي بالقلب غير الشقا والنوح = ومشاعر حزينة لا قبل الليل تصحابك