بديت بأسم ميسر(ن) كل تعسير= اللي بذكره يشرح الصدر يافهيد
في خاطري أبيات دعم(ن) وتعبير=لأعضاء مجلسنا كذا دون تحديد
كويتنا في خير والشعب في خير=وحب الأمير يزيد و يزيد و يزيد
والشعب مايرضى أبد غيره أمير=وأرواحنا تفداه تفداه تأكيد
وأميرنا طعناه والصوت تغيير=عطا الثقه للشعب والشعب مايحيد
مبروك يانائب خذا الصوت تقدير=والحين دورك صوت كويت تجديد
شرع وخطط وأجتهد عالبلد غير=ولا تلتفت لو أنتكس زيد و عبيد
أحذر وراقب كل قانون تمرير=ضد البلد صده بحكمه و تشديد
ترا البلد محتاج نبض المغاوير=ومواكبة هالعصر يحتاج توحيد
تكفون يانواب تكفون مايصير=أسهل قضايا حلها صار تعقيد
تعليم..صحه..أسكان..توظيف..تعمير=حق المواطن ضاع رفض(ن) وتأييد
وشمس التقدم غايبه دون تفسير=وكف التعاون كف حسد(ن) و تنكيد
وحال البلد تنفيع...تعطيل... تشهير=تأزيم...شد...صراخ مايفيد مايفيد
نبي نشوف أصلاح وأنجاز...تطوير=وأليا متى أنقول و أنزيد وأنعيد
ياأعضاء مجلسنا أمانه وتذكير= أبذل بذمه قبل كسر المواعيد
مهما يصير كويتنا خير في خير= في ظل حكام الصباح الصناديد