أحسب(ن) الناس عني ما تّخلاّ = لين غبت وبان لي منهو الصديق
أثري العالم مع العالم تسلاّ = ومايبيّن صاحبك حتى تضيق
لاتفاخر كثر من حولك تجلاّ = الحطب لازاد يزداد الحريق
ولاتصدق كل من قالو تولاّ = يحّمل الأعلام فوق اللي يطيق
ولاتخاوي واحد(ن) دوم إيتبلاّ = لاقفيته صار حكيه بك يليق
البشر متخالف بالطبع وإلاّ = ماتشوف الناس كل(ن) له طريق
يظّهر الطيب بطيبه ويتخلاّ = عن علوم العيب لابان الرفيق
أحمد الله وأشكره رب(ن) تعلاّ = بحكمته خويتلي فعلاّ صديق