صاحبي للجفا... لجروحك اللي هناك=لاخر ايامنا العوجا لعوج السنين
انت بعد الغياب اللي نويت و خذاك= احسب انه يردك عشق والا حنين
اثر ما للغلا داعي وبيّن خفاك=وين ودتك هالدنيا وانا عنك وين
ما أبعد الخطوه اللي متعبتني وراك=وانت تدري بوجه ايامنا السود شين
والله اني ما اجي لمعاتبك في جفاك=كل عين ٍ لنفسي تكرم بالف عين
انت تنسى اليا من قلت ما أكبر خطاك=شلت كل الزعل والحقت به دمعتين
رحت كلك جفا وابعدت عني أخطاك=يوم لمصافحك مديت كف اليمين
كنت غالي ولا ظنيت خلك نساك=لين شافك تجي ما بين هذي وبين
ابعدتك الدروب وفي زعلك ورضاك=قمت حتى تكابر لو يبيح الكنين
روح خذ مابقى من ذكرياتك معاك=والا انا مابقا لي معك خله دفين
لا تحط احتمال انه بقى من غلاك=غير لموادعك يا صاحبي خطوتين