ياطبيبة شرق مانبغى ضماد = أخذي الوصفه وهاتي إحبوبها
عالجيني وحطي بقلبي سواد = حيث كل الناس سودا قلوبها
كل ماعاملت في طيبي العباد = خاب ضني وأنكشف عذروبها
ياوجيه الوقت يامال الهجاد = ياوجيه(ن) تختلف بسلوبها
كثر ماصادفت محتال ومكاد = وكثر مابيّن معاي إعيوبها
صار يجزا الطيب في شر ونكاد!! = والبشر نحتار في مطلوبها
ولو حكيتي يالجبال بكل واد = هزت الدنيا جميع شعوبها
كثر ماشفتي وفي صمتك وداد = شامخه والناس منتي دوبها
جاوبيني وأخذي العلم الوكاد = ياكثر ناس(ن) خذت ملعوبها
الغدر . والزييف . والكذب إعتماد = للمصالح دايم(ن) يسعوبها
وكل ماهونت من همي يزاد = وكل نفس(ن) جاهله مكتوبها
العمر مره.. والأيام إجتهاد = وكل فعله ينحسب محسوبها
ويالله اني طالبك خير المراد = كان لي زله تغفر إذنوبها
((وياطبيبة شرق مانبغى سواد = صعب تغيير الرجال إقلوبها))