.
.
.
انا البارحه ضايق ومن ضيقتي مغبون=وهواجيس فكري بالمعاناة شغاله
اهيم بخيال الشعر واجر معه الحون=وانظم همومي بالقوافي ومواله
اجيب الدرر والبيت لازم يجي موزون=وافصل معاناتي واشرح به الحاله
اشوف المراجل للردي تنتسب وشلون=تبسم له الاقدار والطيب ماطاله
خبيثن عفن لاهو بعاقل ولا مجنون=ردي الفعول اللي ابد ماصفا باله
ترا اهل المصالح عشرتك عندهم اتهون=يبيعك باول سوم ولا تخسره ماله
خبيثن ومن يمشي معه يصبح بلا عيون=(ومن عاشر المجروب قلنا الجرب جاله)
ترا المرجله غايه ورغبه لها مضمون=عليك بسنافين ينومسك بفعاله
سنافي اليا جيته وبيحتله المكنون=شديد الحمل عن منكبك انحنا وشاله
ولو شفت براق الحزن يضوي بالمزون=تنصاه وابشر دام جيت انت تسعاله
كريمن لضيفانه ترس سفرته بصحون=جزيل العطايه فايح الهيل بدلاله
هذي سبت الاحزان من وقتنا الملعون=تهيض بها فكري ومن ضيقته قاله
ختام القصيد بريح مسكن بها مدهون=نصيحة خفوقن منغبن (يضرب أمثاله)
.