سلام رديةٍ تنـــصى الفطيحي سعود
من هاجسٍ يعطي العريف مقدارها
وتعم كل الحضور امـعربين الجدود
واهل الوفى والمكارم ماطفت نارها
محمد سعد العازمي
يآمرحبا بك وهذا الليـل ليل السعود
من هآجسٍ يصخر القلطه لشعارهـا
يـ أبوسعد عطني اعلومك وأنا في الوجود
أمشي على أميالها وأمشي على أمتارها
سعود آل فطيح اليامي
دام البقا من هل الوقفات لهل العهود
والجيــــش فكم حرايرها لمضمارها
اعلومنا ياطويل العمر ترقى سنود
تمشي يمين الديَر ماتمشي اِيسارها
محمد سعد العازمي
الجيش شوفت عيونـك ماعليهـا قيـود
تجول في الروض والمخضار مخضارها
علمك ينومسك ويوردك صآفِ العدود
وأهم الأنباء بعدها نشـرة أخبارهـا
سعود آل فطيح اليامي
من بعد هبت بك الليله نسانيس نود
الطـــايره مــالهـا الاَ فـكر طــيارها
العد راهي ويكفي فالصدير الورود
والنشره الأوله مانجهل اسرارها
محمد سعد العازمي
النود تسرع وتبطي والاودام قعود
والطايرة تختلف يالطيب أسفارها
وإن طار طير العوازم ثم تعدا الحدود
جعله يعرف العباد ويعرف اديارها
سعود آل فطيح اليامي
الكبتن اللي يبا يبطي ماباح الســدود
والطــايـــــــــــــره فالــمــدرج ثور اغبارهــا
اليا كبرت يابن يام وحك عــــودٍ بعود
جعل الضعِيف يطيح ان صار جبارها
محمد سعد العازمي
كبتن مدرج ترقى صار كبتن صعود
والله يستر على الرحلة من أخطارها
نبي نحط الجماهير العريضة شهود
والســــــــــــــاق يظهر مجبرها وبتـارهـا
سعود آل فطيح اليامي
المزنه اللي تخيل ابروقها والرعود
ياالله عساها عليكم هلت امطـــارها
انا زبون الفتاه اللي تكد الجعــــود
ياللي تشهد صغار القوم واكبارها
محمد سعد العازمي
المزنة اللي تحن وبالمطر ماتجود
عساسة البـــدو مالدت لها أنظآرها
الله يستر على بنت الدلال العنود
لآتصبح اليوم عاشقها وقبارهـا
سعود آل فطيح اليامي
الله يبيض وجيه اللــي تحل العقـــود
ماتنخدع بين ماردهـا ومصــــدارهــا
انا تراني خصيمك وانت خصمٍ لــدود
مير اذبح الحيه اللي من تحت غارها
محمد سعد العازمي
تحود بعض العلوم وخابر إنك تحود
وآنوب عن يام غايبها وحضارها
دامك خصيمي لزوم إنك تعرف البنود
وأترك طيور الهداد تعيش بأوكآرها
سعود آل فطيح اليامي
انروح وانعود وانته لو تروح تعود
وانته كفو يالفطيحي وافي اشبارها
لابد مانشعرك وش لون قدح الزنود
حتى تغوص البحر وتجيب محارها
محمد سعد العازمي
[/quote]