.
كلن على شفا وكيفه ومشهاه=يقدر العالم بصيغت كلامه
لاصار يبغا من عرف مثل شرواه=يفعل ويلقا فعل يشابه نظامه
الطيب كايد والردى يظل ممشاه=ومن يحشم العالم يزيد احترامه
والمرجله عنوان واضح بمبداه=يموت راعيها بحفظ الكرامه
والعز غايه كل رجال يبغاه=يرقا سنود العز لو فوق هامه
من قدر العالم يحير به اعداه=يسهر عدوا فيه ويحرم منامه
ومن يحشم الجيران لو جاه ماجاه=أجره على الله في حساب القيامه
ومن يحشم الصحبه ويدمح خطاياه=لاطاح شال الحمل وركا سنامه
يفزع على خوت خويه ويفداه=وبالموقف القصاص يصبح احزامه
الصاحب الطيب تمكن من أرضاه=ولا الردي جنب تلقي سلامه
ترا الردي ملعون يابوك مجناه=قلبه حقود ويصنع الابتسامه
لايغرك اليا جاك بيذيع شكواه=يشكي وهو يطعنك وسط الخمامه
أفطن لهذا النوع وفرح بفرقاه=خبلن شرودن لا وصفته نعامه
ولا تقهر المظلوم وتصيبك ادعاه=ترا الرجل تاليه في وسط خامه
وبر القريب اياك في يوم تنساه=وعط الفقير المال يوفر طعامه
والحق خله نور عينك ومضواه=خله يزيل الكذب ويمحي ظلامه
ولا ضاق صدرك اخذ قران وقراه=ودع الوحيد اللي رفيعن مقامه
والضيف لامن جاك اذبح من الشاه=اسلك طريق الطيب واعشق مرامه
ولاجاك منهو زاد همه وبلواه=أفزع وخلك قدم كل النشامه
والدين افتك منه لا يوم تنصاه=حمله ثقيل ويتعبك بالتزامه
هذا وانا يابوك اوصيك بوصاه=ركز على هرجي وهيم بهيامه
ماكل ماتبغاه يابوك تلقاه=ولا كل شين تلحقه في ملامه
ماقدر الله يصير لو منت تبغاه=مير احمدالله لين همك ترامه
هذا وانا حطيت في شعري ادواه=وصفات مافيها رموز وعلامه
.