.
.
.
ما احب اجامل كل خبلن ومرجوج=اللي دروب الذم رجله تدوجه
ولا احب اماشي من تخبث بالهروج=الخاين اللي دوم ذمته عوجه
واكره خبيثن في مصاليحه يلوج=نفسه ضعيفه مايثمن هروجه
خبلن بليدن كل ممشاه معووج=خبيث قلبه لا هرج لك يعوجه
للمرجله غايات ووسوم وبروج=والطيب بحرن هايجن فيه موجه
سر ياقلم واكتب من الفكر منتوج=ابيات قاف الشعر فكري تروجه
هض وتمكن وابدع بقافك ودوج=وانتج من الهوجاس وابدع خروجه
ارسل على اللي خوته خوت دعوج=قرمن رقا بالطيب عالي ابروجه
ثن السلام لصاحب العرف مدموج=في ذبذباتن يقطعن كل فوجه
قله ترا الوضع مقفل ومزلوج=امقيدن سيدا ولا فيه لوجه
ولى زمان الحر وصبح لدحروج=والعز كتبه قبرت في دروجه
ياصاحبي والعلم واضح وممزوج=يومن بعض الناس حلقه يعوجه
هو هاقي ان الطيب بدروبه العوج=ضايع على ممشاه بالتكنلوجه
معاد له بالطيب والمرجله حجوج=كل الرده في دلو حظه يخوجه
حظه ردي خايب من اول وممروج=الذم ساسه والرده من نهوجه
هذا وانا بيحت في قاف منتوج=شين تمادى لين وسعت فجوجه
وصلاة ربي عد مايكفخ الموج=على النبي اللي نطبق نهوجه
.
.