.
.
يا صاحبي لا تراودني على الزله
ولاتحرث الخافي المستور وتثيره
من خالف الوعد خالف طيب المله
ومن خالف الملة السمحه حدر سيره
الناس في هالزمن ف قلوبها عله
تهفي ذممها وتجحد طيب السيره
ومن يجحد النور حمل نفسه مظله
ومن ظلل الناس لابده من الحيره
لا بد ما يكشف الله دقه وجله
الخاين يكون تدميره بتدبيره
يا صاحبي هاك حمض العلم وافطله
انا على ما وعد ربي وتقديره
ما عاد فالبال لا صاحب ولا خله
إلا رجا الخالق الوالي وتيسيره
ماني مدور شهايد عند خلق الله
يكفيني اللي يسوق الخير والخيره
مومن بوعده وقلبي ينتظر حله
واثق من اللي يحكم الكون ويديره
الناس تشعب مطاياها على الشله
وانا برجوى كريم مالنا غيره
ناجي بن ضويحي