ياما عطيتك وجهي أن شفتك أحتجت = وياما تلقّيني قفاك أن بغيتك
لاشفتني ضايق هربت وتحججت = وأنا ليا شفتك تضايقت جيتك
لاضقت ! بسرع وقت أنا ضيقتي جت = أخذ همومك ..! والسعادة عطيتك
هذي هي (الخوه) ليامن تهرجت = سولف وتلقى (فالضعيفين) صيتك
أدرسك لاكن حشى ماتخرجت = كم ليلة(ن) تهّدم وأنا اللي بنيتك
لاضقت يابن الناس لاماتفرجت = أصيرلك أقرب من أجدار بيتك
في خوتك مايوم فالسوق حرجت = مديتلك يمنا العهد ثم شريتك
وعزالله أني من علومك تبنجت = لانتا مذاريني .. وأنا ماطويتك..!