في غيبتك دمعي على الخد ماجف = أبكي بكى عاشق ولاهي مذله
تدفني الدنيا على كيفها دف = من وين تبغى دربها بي تدله
أصادم العلات والجرح ماخف = يكبر وكن الملح بعدك يبله
حتى عيوني ذابله يالغضي شف = لاتحسبنها تشكي النوم لّـــله
تشكي ونبض القلب عنها موقف = والدمع فوق الخد عقبك تهله
وين أنت؟ شوف أدروب حبي غدت جرف = هملت (خلك) يوم وقته يعله
وين الوعد . مامداه ياصاحبي كف = واعدتني بأن الهوى ماتمله
خانت مواعيدك ودرب العهد لف = وخليتني بالحب وحدي أشله
من بعد ماصفيّتلك خاطري صف = أخذت قلبي وجبته بألف عله
أشوف بيرق صدتك بالهوى رف = ياشين صدت خلّ ماشاف خله
وياشين من خان العهد مايشرف = أقفى ولا أدري يوم قلبي يتله
وياقربها لو قالوا الناس خرّف = تخريف عاشق جرب الحب كله
[/quote]