طرالي زمانن لاطرى هاجسي به طاب = مثل مايطيب الماء على ريق عطشاني
رعى الله زمانن فات انا وانت فيه أحباب = وكلن ومجهوده على ضحكة الثاني
تبادلني الضحكه ولو هي بدون أسباب = تبي تزرع البسمه لجل تخفي أحزاني
ولاكنت تسمع هرج عاذل ولا نصاب = وكنت أتحاشاهم وبالروح تفداني
ولاكان بيني وبين شوفك غطاء وحجاب = ليامنك أشتقت وتضايقت تلقاني
وعشت الليالي معّك لاكن قمرها غاب = مثل ماتغيب الروح عن مهجت إنساني
وصدقت ماقولة بأن ( الهوى غلاب ) = ولا يضمن العاشق هوى قلبه الفاني
صحيح الطلب مرات يصعب على الطلاّب = وانا لو بغيت أطلب...طلبتك ماتنساني
ذكرتك وأنا ضايق ودمعي على الأهداب = وسجلت ماضينا وصح الله ألساني
[/quote]