يقولون ليل البارحه غير.. يا مغليه = وأَنا أَقول ليل البارحه ليل هجرانه
نوى بالفراق وودعه قلب ميّت فيه = وله عين تبكي له وله عين سهرانه
ولاني بقايل ليه.. ما عاد فيها ليه = تعب هالخفوق يروح ويرد من شانه
قبل لا يجي في خاطره والجفا ينويه = وقبل لا يقول الكلمه اللي على إًللسانه
أَنا جزت دام أن أَوله ما حشم تاليه = لو أنه ضما قلبي على مورق أغصانه
على آخر مشاوير الغلا.. لا بغى ينهيه = تسلمت مفتاحه وقفّلت بيبانه
على كل حالاته ولا ادري وش أَسميه = لو أنه ملك قلبي على جور سلطانه
ايو الله أحبه حيل وأشتاق له وأغليه = وأجيه بوله لا غاب.. والروح شفقانه
ولا مرني طاريه لبّيه يا طاريه = أرحب تراحيب المهلّي بضيفانه
كثر ما له بقلبي غلا.. ما ني بجافيه = ولو طال فيه البعد.. يا صعب نسيانه
كذا والزمان يدور.. واللي رخص غاليه = أنا ما رجيت من الغلا.. مَدة أحسانه
يقولون ليل البارحه غير.. يا مغليه = وانا أقول ليل البارحه.. ما أكثر أحزانه