اللي يبي قربك وشوفك ولقياك =صعبه عليه انه يفارقك مرّه
في كل حاجه يتبع ارضاك واخطاك= ويعاتبك لاغبت والا يتشرّه
مايضحك حجاجه لهذا وهذاك= ولاكل موجه كل ليله تفرّه
يعني يقدّر هالغلا ويتمناك= حتى على قلبك يخاف المضرّه
واغلى من عيونه ووده بلاماك=ان كان في قلبه من الحب ذرّه
واللي يدورّها من الله وفرقاك= ماظن تلقاله على الارض جرّه
يلاعب الغربي ويقفي وينساك= ويكفيك من خيره ويكفيك شرّه
الا انت ياللي وين مارحت وياك=في ذمتي ماشفت عقبك مسرّه
اسرح مع طيفك اليا حل طرياك= ياللي مكانك في خفوقي مقرّه
البارحه ياطول ليلك ومسراك= ابعد عليه من نجوم المجرّه
اثرك تحرى الغير وانا اتحراك= وتلد له عينك وشوقك تجرّه
واللي يبي قربك وشوفك ولقياك= صعبه عليه انه يفارقك مرّه