صوت فيصل مبارك العازمي
ابتدي في قول مايبغى الختـام = مير مجبور القصيـده تنختـم
يارسولي احتزم فوق السنـام = وصّل المضمون لاهنت احتـزم
للرجال الطيّبـه نسـل الكـرام = من هجوسن صاغ شعره ماكتم
يافلاح سعود لك منـي سـلام = من بنات افكار شعري والقلـم
من زمان بخاطري لجلك كـلام = وابتدى الهاجوس بحروفه يلـم
مارضيت بقول يغشاه الغمـام = ولانويت اقول شين من / عـدم
انت نور الشمس لاحل الظـلام = انت طيب الطيب من علمك/ علم
اسمك البيّـن طريقـه للأمـام = واضح ٍ واشهر من النار بعلـم
من بغى بصمتك والله مايـلام = بصمتك في صفحة الشاعر تهم
تزرع البسمه بقولة ( ياسلام ) = تعطي الدافع لهاجـس مبتسـم
ماتمر الشعر بمـرور الكـرام = نادرن مثلك وغيـري يفتهـم
منتدانا ولا قصورن بالحشـام = ودي ابارك لك برجلـن شهـم
سجل اسمه وكل ركنن فيك قام = حشمةٍ لحروف مبنيّـه بأسـم
الركون الـي تولاهـا المنـام = كل ركنن في وجود اسمه حلـم
شاعرن ميّز حلاله من حـرام = من مواضيعه كثير الـي خـدم
ياخوي الطيب لاجاك اعتصـام = فكـّر ان الوصل مع شخصك اهم
ماكتبت ومقصدي رد السـلام = صفحتي بخصوص نكك ماتعـم
يافلاح سعـود مـاودي ختـام = مير مجبور القصيـده تنختـم
صدى فلاح سعود العازمي
دامها وصلت على حسب النظام = خلها تمشي وابسج القدم
مانصدرها اليا جتنا حيام =وماتروح الا على الغارب وسم
وانت ياللي من رفيعين المقام =ابن عم ولاانت يافيصل خصم
من رجال الطيب وتفك الجهام= عزوتن مابين سم وبين تم
مرحبا ترحيب وافي باحترام = وانت شاعر معتبر وايضا علم
والشهاده منك يافيصل وسام =ياعريب الساس من خال ن وعم
وعلم اللي لانهض ريشه وحام= الجبال ابها براكين وحمم
الشواعير اربعه شرقن وشام =صنفوها وكل واحد له قسم
شاعرن يدحم ولافك الزحام =وشاعرن يمشي على شوك السلم
وشاعرن شاعر اليا وصل الخصام = وشاعرن دجه ويبني ويهدم
انت غير وغير مافيك انفصام = ماانت ابو وجهين وابياتك حكم
هي كذا والا كذا وضعك تمام =وانت شاعر كيف ماتنظر لكم
شاعر ن عاشق وذابحه الغرام = كل مايرقد بمعشوقه حلم
القوافي كان جاتك ماتضام = ماتجي هزله وميقافك دسم
كلمة خذها مثل حد الحسام =والله انه صدق واقسم لك قسم
انت شاعر تستحق الاهتمام =مابها منه ولافيها رسم
دامها وصلت على حسب النظام = ياطويق الشعر والله ونعم
والصيام يحل في وقت الصيام =والصلاه الوقت فيها منتظم