عرفت قدري وأظنك عـارفٍ قـدرك=ماعاد تفرق معي لو رحت بسكاتـك
يكفيني اني اشوف الموت من غدرك=ويكفيك بأنـي اسامـح كـل زلاتـك
تخطي واسامح وتعلن يا وسع صدرك= ويضيق صدرك علي بكـل حالاتـك
غريب طبعك وبين النـاس يا نـدرك=تقسي على اللي يداري سيل دمعاتك
رفعت قدرك وغيرك بالغـلا حـدرك=واشقيت حالي وانا قصدي مراعاتـك
كنت احسب انك تحس وبالغلا تدرك=واثرك ميّت مشاعر معظـم اوقاتـك
ملّيت اسامر نجومك وانتظر بـدرك=واعيش باقي حياتـي فـي معاناتـك
أَبشّرك مات حبـك وانتهـي قـدرك=طويت في غيبتـك صفحـة ملفاتـك