سلام الله على شيخ الطنايا مقدم الجربـان=سلام الله على اللي سيرته كلن يطريها
سلام الله على محسن عجيل الياور كحيـلان=سلام الله على اللي لا بغى الحاجه يسويهـا
سلام الله على نسل الشيوخ اللي لها عنوان=شيوخن يعرف التاريخ حاضرهـا وماضيهـا
سلالة (سالم الجربا) هل الشيمه هم الشيخان=شيـوخن للطنايـا بـأول الدنيـا وتاليهـا
قبل فارس وقبل صفوق وقبل بنيه وفرحـان=شيوخن اسمها لامن طـرا يرهب معاديهـا
شيوخن باللقا شجعان وعند اللازمه شجعـان=شيوخن عن وصول الطايله ماتقصر ايديهـا
ألا يا شيوخ شمّر يا اهل المعروف والاحسـان=شيوخن ذكرها بالجـود والنومـاس يكفيهـا
ألا ياهل البيوت اللي لها قدرن كبير وشـان=بيوتن من زبنها يشهـد الله مـا يخليهـا
هل الخيل الأصيله باللقا يشهد لها الميـدان=وريف الضيف واهل السيف وأصل اصل الكرم فيها
هل الفعل الكبير اللي لهم بين القبايل شـان=رجالن لا اعتزت دايم تعزوا فـي عزاويهـا
ومن صيت آلمحمد بالمراجل تفخر العربان=رجالن اسمها بالضيـق والشـدات حاميهـا
ألا والنعم بالجربـان ألا والنعـم بالجربـان=ألا والنعـم بالجربـان قاصيهـا ودانيـهـا
((ودوم مقابـل الجربـان يخـزي يخزي الشيطـان=وانا كد قالها قبلي فهـد والنـاس توحيهـا ))
الا يا ابن الزعيم اللي تعرف فعوله الاوطـان=وتشهدلـه ليـالن ماضيـه والله محييـهـا
عجيل الياور العبدالعزيـز معـرّب الجـدان=كبير القوم وشيخ القـوم يامرهـا وينهيهـا
عجيل العز ساس الفخر مايحتاج له برهـان=يشيل الكايـدات مـن الحمـول ولا يخليهـا
حكيم الراي وتشهدله بها الصدقان والعدوان=وله هيبه عظيمه شامخه كلـن حكـا فيهـا
ليذلوا هل العادات وذلوا اشجـع الفرسـان=عيون القـوم فالميـدان يكحلهـا ويعميهـا
والا يامحسن الياور انا في شوفتك فرحـان=وترى شوفتك عندي تسوى هالدنيـا ومافيهـا
ولو بمدحك يا أخو ترفه العله مـن القيفـان=لان القافيه في حضرتـك تقصـر معانيهـا
رعاك الله يالذيب الحمر) يامكرم الضيفان=رعاك الله ياللـي لا عطـا الكلمـه يوفيهـا
رعاك الله ياللي من تحداكم رجـع خسـران=شجاعن والشجاعه ياطويل العمـر راعيهـا
كبيـر وشيـخ شمـر كلها مـن تركيـا لعمـان=ولك وقفـات نعجـز مانعددهـا ونحصيهـا
وألا يا أمير سامحني على الزلات والنقصان=وهذي لك قصيده من صميم القلـب مهديهـا
وانا قلت الحقيقه والحقيقه مانيـب غلطـان=وعلى ماقالوا العربـان تعرفهـا بأساميهـا
وسلام الله على أخو ترفه ابن الياور كحيلان=سلام الله على اللي رايتـه بالعـز حاميهـا