02-06-2011, 05:43 PM
|
رقم المشاركة : 1
|
|
" يهودية عرب " الرد على قصيدة الشاعر / سعود الغريب " عطرها يفوقها "
السلام عليكم
مع التحية والتقدير إلى الشاعر الكبير " أبو بدر" سعود بن سعد الغريب
ردا على قصيدته ( عطرها يفوقها ) الموجهة لي بترايخ 18/5/ 2011م والتي لم يصلني علمها الا ليلة البارح مما اضطرني إلى ارتجال هذا الرد الذي أمل أن يفي ولو بالقليل مما في خاطر شاعري المفضل واستاذي الكريم ( أبو بدر ) كما أمل أن تنال رضاكم واستحسانكم ,,
القصيدة ( الصوت ) هنا
http://www.alawazm.com/vb/showthread.php?t=202579
ياليل سامرني, تراني سامرك= حتى تزيحك شمسنا ببلوقها
مادام جبت الملزمه هي واللزم= والدلة الصفرا على شاعوقها
يحرم على ناجي سوى فنجالها= حتى تعود العازبه والحوقها
ثم هات ياليل المعاني والبديع= وناج النجوم اللي تلالا طوقها
ماهي مناجاة البهيمه للبهيم= والا ضعوف القوم والا زلوقها
وجيب البيان من الغطالس والسحر=حزة قيام العابدين وحوقها
ماني بنايم لين اكرم صاحبي= مايفهق الكرمه سوى مفهوقها
حياك ياسعود الغريب يالكريم= يانادر السيرة كفيت اعقوقها
الرمز مايوجد ولا اظنه يشاف= يا راعي الحكمه فرقت فروقها
حيرتني بالرمز وانت معلمي = لاشك تلميذك مهو شرنوقها
الغاط وابو الغاط في دلو الرشا= مزبورة دلو الرشا بشنوقها
بعد السحاب وديمته ماقلت لي= البحر سارق لولوه مسروقها
واللولوه وسط البحر بس البحر= طمام عاليها على ساحوقها
امحق زمانٍ جنن الناس الثقال= وخلاني انظر تلعته وعروقها
والغاط يابو بدر ماكر للحرار= والشجرة اللي طيبها ببسوقها
ونعم العضادين الرجال السابقين= بالبحث واسلوم الرجال وذوقها
الله يرحم صاحبك ياابو بدر= احمد نداوين ماهو دالوقها
ما والله انسى كلمة لي قالها= وانا صغير وحفتي بفلوقها
وان طعت شوري منت ميت ياسعود = حتى تعرف الروم من ناعوقها
ياسعود لاتشكي غرابيل الزمان= سو الفهم عثر الرجال وعوقها
لاتحدني واخطب يهودية عرب= وازفها وألمها واروقها
واجيب لك منها عيالن زاحفين= اجنون وارموق الذياب ارموقها
مايرحمون العود والطفل الصغير= وام اليتيم يفتقون ارتوقها
ما يعرفون الخير مثل المسلمين= حتى اليتيمه يشربوا مسلوقها
مافكروا بالموت والجمع الكبير= يزوعون ام المرق مرقوقها
مريق حتى من الحيا مايستحون= ماهمهم عال العرب وادنوقها
أمر تدلل ياسنيدي ياسعود= ابشر بعزك لاتخاف ارهوقها
شعر : ناجي بن سودان
|
|
|