وين أبا ألقى صاحب صادق فكره نبيه=جيد من جود ساسه وسامي مذهبه
عنده الأخلاق عليا نقي مثل الجنيه=ما ينوش الريب قلبه وروحه موجبه
بالشجاعة عنده حسام وبعينه نزيه=نادرن ما ينظر خلاف سامي كوكبه
ما يقول إلا الحقيقة ولا ينظر سفيه=بالعقل يعجب وبالمزح عنده موهبه
يفهم التلميح حرا قطامي مايتيه=عارفا بالاتجاهات عند اللولبه
بحر ما تكشف خفاياه يغرق من يجيه =يطرد الغواص حوته وموجه يقلبه
عارفا معنى التحدي ومعنى لا مع إيه=له مع طوال النشامى مقام وتجربه
لا وصله اللغز حله ولا يزمل عليه=يفهم اللي في ضميرك قبل لا تندبه
الزمان الزيبقي ما حدابه يحتديه=دبلوماسي في نداوي وتاكي منكبه
ما يذيع السر لو زعل مامون فقيه=سر ناجي مثل سره بقلبه يحسبه
أكتبه عز النشامي وأعزه وأعتزيه=أتجرابه وأجريه واشطب وأكتبه
نتحد واثنين باثنين يطلع لي إليه=رجل في شاعر وشاعر برجال انجبه
باغٍ أعطيه الخفيايا وسر طال فيه=الزمن بضلوعي العوج دقه واضربه
سر حتى بيض الاوراق قالت ماتبيه=والقلم يرسم حروفه وكنه يشطبه
سر سار بدور الدم دمي يحتويه=قول نار وولع الدم والروح احطبه
سر حب وعشق لا سر خوف ويقفيه=قطع وصل وظلم والنور والليل احجبه
سر امانه لا وصيه وضاعت من يديه=شافها بالعين والدم والدمع اسكبه
شافها في ساحة الليل والخوف وشريه=صامت ماتنطق اشفاه والمر اشربه
مايقول اعدي ولا ابدي وحتى بنت ابيه=مايقول أختي وحره ولاهي مذنبه
الدليل وضاع والوقت مايرجع واجيه=والولع عذر النشامي وسير المركبه
أتسلى بالقوافي وبنت البيت فيه=والهموم بقلب شاعر تحز وتشذبه