ارسل لكم هذه القصيده المتواضعه وهي مرسله للاخ ناجي
عسى ان تنال لو القيل من اذواقكم الراقيه
سافرت والرحله ذهاب ابلا اياب=من سبة اللي شاب راسي بسببه
ابحث عن الاسباب في وصوف العتاب=واقول ياناجي تعال وعاتبه
مخلوق لاكنه على البيدا تراب=مافيه روح ولاعظام ولاعصبه
وزنه ثقيل بلا طعام ولاشراب=يحط في سوق العشر من حط به
سوى حروب وماتت الناقه سراب=عذّب قلوب اهل الهوى في مطلبه
كم فارسٍ ودّا على شانه وجاب=الياتفجر كل من ناش اعطبه
ساد وتسيّد لين ماجاه الخطاب=خلاّ سلاطينه ماتقدر تندبه
والحين ياناجي تولّوه الشباب=لبسوا لهم دقله .. وحبوا لبلبه
هذا زمان اخر مديلات العذاب=عثقٍ تدلاّ لين مامال ارطبه
صوت الشاعر: محمد بن هضيان
يمر ليل وتبتدي حضرة جناب= يبين صبح ويفتل الرجل اشنبه
يقدم على الكايد ويضرب مايهاب= يم الخطر يشب ضوه باحطبه
الحر ما يطلع مطاليع الغراب= ولا يشبه الخرب المسانح باغلبه
والسيف ماهو للمزاين والعذاب = للعرضة وللجمجمه والمقصبة
يا محمد الصاحب ماهو مثل الصحاب= يطول بالطايل بفعله وانسبه
اما معك والا معي وأخذ الجواب = من الغريب كان جاه وهبهبه
من خلقت الدنيا قدوم وانسحاب= الحي فيها في ركود وذبذبة
وراع الطلب وان طال وقته بانتداب= يختار وجنا عيص كن وهوذبه
اما مشت والذيب مع سد الهضاب= وإلا آباط الأودية .لا الدبدبه
وإلى استبانت خشمها شلفا ذياب = خبت ومعها المذيبة فالمجلبه
ما اظن في جسم العقاب الا العقاب= ان كان ماعندك ذخيره فــ اندبه