.
.
حبك عذاب وهم وحزن وغرابيل=وهات وجروحن تزايد وجعها
وهم وعنا ودموع فوق المناديل=وعهود ووعودن رخيصن سلعها
مثل السراب الي على عيني يخيل=ضامي وقلبي سج فيها وتبعها
كنت الامل يابو الرموش المظالييل=نورن صطا لنفس احسبه نفعها
كنت العوض لي بالليالي المقابيل=هقوه وخابت ضيع الله سنعها
اسهر وازعج صوتي في تالي الليل=ليته ضميرك ليالتن يستمعها
يابو الدلع يابو الشفايه المعاسيل=يامن مداخل قلبي حبك شلعها
ياصاحبي صاحبك ماعاد به حيل=مر الزمن نفسي بيده ملعها
اخفي وكابر خوفي من دمعتي تسيل=ماودي نفسي كل من جاء قبعها
ان كان حبك مابه الا البهاذيل=ابشرك قلبك جروحي زرعها
عطني على ذا الوضع شرحن وتحليل=وش لك بنفسن نار حبك لسعها
هذي النهايه بكل شرحن وتفصيل=قصة غرامن عقلك الي وضعها
.
.