.
.
.
انا معك ماني بضدك وانا اخوك=لو وقفت كل الرياجيل ضدك
حطني على يمناك لو دربنا شوك=بوقف معك لا بيح الوقت سدك
وقفت شجاعن سل سيفه على ملوك=لو تطلبه بالروح ماهو يردك
ربع الرخا لاحتجت صدو وخلوك=وقت الشدايد كل نذلن يهدك
هذي عوايدهم اليا حتجت ماجوك=واليا بغو منك فا منهو بقدك
اهل المصالح لا نقضا الوقت عدوك=كلن يقفي لاخذو رعي خدك
انت الكريم الي بحاتم يساووك=قرمن ولافي يوم قصرت يدك
لاتزعلك كلمت خبيثن وصعلوك=فالمرجله رابي على طيب جدك
طيب وشغمومن وطالع على بوك=نسل الرجال الي على العز شدك
طيب ومن ينصاك ماله سوا دوك= جزل العطايه لو زمانك يحدك
كنك على الجزلات عزوتك وصوك=ماتنتبه لو نقص شين بعدك
.