.
.
.
.
الضيقه الي بصدري عيت اتروح=في كل ليلن همومي لي تهيجها
ترعد ووسط الحشا براقها يلوح=وظلوع صدري تقل كنه مسيجها
أطيح منها بفراش الهم مطروح=ودموع عيني مع الونات نازجها
هذي سنه والحزن امجود الروح=مالي جدا غير رجوالله يفرجها
اسامر الليل وقلبي مملي اجروح=ظنيت كثر السهر روحي يعالجها
سبت وليفن هجرني دون مصلوح=قفا ونفسي مع الضيقات مزعجها
يطري علي كل ساعه واجلس انوح=حسبي عليه كان روحي فيه دججها
غرون حسين الحلا بالزين مملوح=وجهن بشوشن وعينه ربي غنجها
ليته الغضي يوم قفا كان مسموح=فسر لروحي وجاء وقام يهرجها
من شان شكي براسي كله ايزوح=واجيب حجه لنفسي لين اخرجها
هذا سبب ضيقتي والحال مشروح=شكيت لله وبالأشعار دامجها
كتبتها من عبير الهاجس اتفوح=من ضيقتي هاجسي ابدع وانتجها
.
.