.
.
هذي الابيات لامير القبيله فلاح بن جامع ولاتوفيه حقه
.
.
.
لاهنت يالشغموم يالحلحيل يانسل الرجال=من خافقي أبدعتها وهاجوس فكري شالها
عز القبيله وفخرها في موقفن مابه مجال=عزالله ان مال الحمول ألا ظهور اجمالها
رأيه محنك بالمواقف ثابتن مثل الجبال=فعل وحنا نفتخر في كلمته وأفعالها
شيخن كفو لو قلت عنه بالشعر مالا يقال=ماني موفي موقفه لو جبت كل اجزالها
زبن الضعيف اللي حداه الوقت وحموله ثقال=كل القبايل لا طريت اسمه رمتله اعقالها
كريم يد ومتعبن في مجلسه صفر الدلال=كل العلوم الطيبه من مبطين كد نالها
عزيز نفس ورايته تاطا على روس الجمال=شامخ كما صم الجبل شال الحمل بثقالها
سديد راي وهرجته ماهي مثل هرج الخبال=جاب المفيد وشكت العالم بيدينه زالها
فلاح لو مال الزمن عن موقفه ماقيل مال=لو زاد حمله وحمل غيره فوق كتفه شالها
هذا وانا وردتها من هاجسن يرقا الجزال=توصل لبن جامع تحيه بكل كلمه قالها
.
.
.