.
.
البارحه مابين تفكير ووهام=قلبي عناء الايام دكه ولاعه
ارسم من الهوجاس أمال واحلام=واصبر على مر الزمن ولتياعه
سابح بغبات الليالي والأيام=ولاعاد بي من جور وقتي مناعه
كم صدمتن هزت خفوقي له اعوام=كن الزمن يحدني بتباعه
احسب مع الايام بنسا الآلام=حاسب اموري ومتشبع قناعه
لاشك قلبي من عناء وقته احطام=أبطى وجرح الجوف زادت وجاعه
وجدي وجود اللي من الهم مارام=توه صغيرن مافطم بالرضاعه
يزعج بصوته تو ماتم له عام=ازعج ونينه لبته والجماعه
من حر مايونس فلا هو بملام=يبكي على امه يوم تنشق اذراعه
طفلن يتيمن من عناء جوره احطام=جور الزمن فرحه من القلب كاعه
سبت وليفن خافقي فيه منظام=قفا وقلبي للهواجيس باعه
عقبه وقلبي من الفرح كتم وصام=مالي سوا همن يجي كل ساعه
ادله وسج الفكر مع سج الاقدام=وقول نور الوصل يضوي شاعه
طير المفارق بالسماء رفرف وحام=والفرح عقبه ماقدرت اصطناعه
اضحك وانا قلبي قضب بالعناء زام=ضايق وشوف الكون ضاق اتساعه
مالي سوا جر القوافي والاقلام=اركي عليه ويزتهر فا ابتداعه
قفا وفكري والحشاء عقبه ايتام=والهم وسط القلب زاد اندفاعه
كنه حكم بالصد تنفيذ الاعدام=شتت خفوقي ولا لي فيه استطاعه
كاسب من الهجران له درع ووسام=ماخذ على الحرمان نوط الشجاعه
هايم وحسب الحظ مع صاحبي قام=وثري خويي هرج الاعداء طاعه
ياقو قلبه كان بمفارقي نام=وانا سهيرن يوم اعلن وداعه
لازلت مغرم فيه وابصم بالابهام=اني ابيه واشتاقله كل ساعه
حبه ثبت لو الوصل منه مادام=غالي وله بالقلب عسكر وقاعه
.
.
[/quote]
التوقيع - احمد النويعم
شاعر ولامني كتبت الشعر جبته بمتياز=منكوس مسحوبن هلالي ولعب بطرق الحدا
انا وانا احمد لادعيت الشعر جاني باهتزاز=اخضع اجنون الشعر واعطيه عازي لابدا
لعيون ريمن تلعب بقلبي كما لعب الجهاز=من حبها قلبي يرتب بالقوافي ماهدا
انقش لها فوق الصخر واغوص فبحورن غراز=واجمع لها كل الدرر وتقولي تكفه عدا