.
.
.
البارحه والهم بالصدر مليان=والحزن يكفخ كل ساعه وساعه
سجيت فكري بالقوافي واللحان=بين الرجا والياس زاد اندفاعه
سامرت ليلي لين نور الفجر بان=والفكر بالقيفان هاض ابراعه
على وليفن شب بالقلب نيران=عقبه وجرح القلب زاد بوجاعه
قفا وانا من ضيقت البال سهران=قفا وقلبي للهواجيس باعه
غرون يشادي البدر فيه الحلا الوان=حسن ودلال وفيه نكهت مياعه
العين سوده كنها عين شيهان=والزين كله قاضبه في ذراعه
وجدي عليها وجد من مات فقران=الدين ذله وتركوه الجماعه
حاله نحل والجسم مرهق ومرضان=وطفله صغيرن مافطم بالرضاعه
الام ماتت والطفل بالجفا شان=والرجل لا يملك نقود وبضاعه
هذا وانا قلبي من الحب تعبان=والفرح في وجهي صعيب اصطناعه
له في خفوقي اكتاب واضح وعنوان=منهج علي ملزوم اجاري اتباعه
لاقلت بدله عنه ونساه انا احيان=طيفه يهيضني ليا ضوا شعاعه
لاشفت زوله جوي بين العرب زان=والقلب بهجاته على الناس ذاعه
ياخشف ريمن ليت قلبك معي لان=قلبن مولع فيك يازين راعه
الحال ولى والفكر دوم حيران=والقلب جور الوقت بالهم لاعه
ارجع مدام القلب ضايع وشفقان=خل الوصل يالزين يفتح شراعه
هذا خفوقي هاض من حر ما كان=ابيات من قلبي لخلي وداعه
.
.