.
..
...
الصاحب اللي له مكان ومنزله=واجب اجي عقب البطا واقابله
لاغاب من ضرف الزمن ما اجهله=ماني من اللي جاهلن اصحابله
وان ماسئل عني..؟ انا اللي ابسئله=ولاني بزايد شرهتي وعتابله
.................................................. ...........................
ياهاجس الشعر لاجالك مجال ومجال =خابرك تبدع بيوتك عند حزاتها
هذا وجتني شهاده من زحول الرجال=شكري لجزلاتها ياسامع ابياتها
وماهيب كل القصايد.! وحيها من خيال=لو ان بعض القصايد..!من خيالاتها
والصدفه اللي صدفتني من صدوف الليال=ماكنت هاقي دقايقها وساعاتها
عرفت..منها من الواقع حقيقه تقال=دنياك يالادمي مصغر مساحاتها
.................................................. ..........................
الظروف احكام تحكمك الظروف=ماحدن يمشي على حسب المزاج
ان تبيها اطوف عيت لاتطوف=قلًت الحيله ولافاد احتجاج
.................................................. .......................
ماهقيت (المفارق)لا ولاهو هقاه=دبرت الوقت والايام مامن مفر
يوم راح وتنحى ماتنحى غلاه=مثل( حسني مبارك) في بلاده مصر
تو..عرفت الليالي بيرها وش غطاه=لو صفتلك لليالي ماصفتلك دهر
.
.................................................. ..............................
كم مرتن ارسلت من شوق المحبه والغرام= ارسل رساله والرساله لم يتم تسليمها
.................................................. .................................
مدري متى الحظ يرفعني بجنحانه=واقول حظي تعلا في مشاريفه
وياك يا اول غرامن عشت بوطانه=وعرفت معنى الهوى وشهي تعاريفه
عيني على شوفتك بالحيل شفقانه=يالنادر اللي قليلاتن مواصيفه
لوكان حالي بهذا الصيف تلفانه=يزين جو الكويت بشوفتك صيفه
.................................................. ......................
مغردين التويتر فوق غصن الجريد=كلن ونهجه وطرحه من تغاريدها
ماعاد فيها بعد هذا قريب وبعيد= برنامجن جمع اقريب مع ابعيدها
في المواضيع..تاتي من جديد لجديد=حسب اختياراتك اللي نفسك اتريدها
هذا يحب السياسه..وذا يحب القصيد= وهذا ثقافات نفسه حب تزويدها
والرابح اللي يدور له بشي(ن)مفيد= والخاسر اللي يقلب ما لقى فيدها
.................................................. .........................
الزول ماهوب يكشفلك =شخصيت الشخص واطباعه
لاتحسب الزول يوصفلك =ترا الازاويل خداعه