سلمان الجافور
يابو علي في ديرتن وقتنا طال=ورا المحيط الاطلسي مبعديني
ديرت ثلوج وقشرتن تتعب الحال=مجبوربالروحه عسى الله يعيني
عشان يوسف افدي الحال والمال=(رحلة علاج) وبالولي طامعيني
انه يشافي ما جراله بالكمال =ويالله تقبلها عساها تزيني
ردي فهد مطلق الجافور
ياعم لصدوف المقادير شيال=لاشاف ميلات الدهر والسنيني
ماضاق من ضيم الليالي ولا مال=مثلك بطانه لليالي متيني
حنا نعيش بحال ونساير الحال=مع كل وجه من يسار ويميني
لو شانت الاحوال بتزين الاحوال=هذي هي الدنيا تزين وتشيني
وانتم خذتكم بالمسافات الاميال=ورا المحيط الاطلسي مبعديني
في ديرتن مابه لاعمن ولا خال=فيها (حمام الدوح) جر الونيني
وانته تغني مع لحنها بالامثال=ان غنت المسحوب ولا الهجيني
رحتو سند ياعم مع طيب الفال=الله يرجعكم لنا سالميني
مع الذي ياعل تفداه الانذال= يوسف ولد سلمان ذرب اليميني
عله بخير وصحته عال في عال=ويجيره اللي خالق المسلميني
ويامبعدن عن دارنا طول البال=ايامنا لابدها تب تزيني
وألك داءن له دواءن و لو طال=ذاكره ربي بالكتاب المبيني
وحنا معه بالحال والجاه والمال=ولا خير من لا كان لهله عويني