بسم الله الرحمن عـلام الاسـرار=الواحـد المعبـود رب البشـريـا
سبحانه اللي مسير الفلـك ببحـار=وعلام غيبـات السمـا والقدريـا
سبحانه اللي مجلي الليـل بنهـار=ومنجي نبيه نوح امـن البحريـا
يالله عفوك وانت النافـع الضـار=تبعد طريقي عن طريق الخطريـا
قعدة اندب خاطري بكثر الاعـذار=يمكن مـع الايـام ينفـع عذريـا
وهموم قلبي صارٍ اصغـار وكبـار=احترت ماقوي الشوف وعدم نظريا
الليل لاطرف وجا وقت الاسحـار=اقـول يارحمـن فـك الازريــا
البارحه كن الحشـا داخلـه نـار=كنه هموم النـاس فينـي اسريـا
مغير هوجس وضرب الفكر بفكار=بعد الحلا يانـاس ذقـت الامريـا
باللي جرا يا ناس انا صرت منهار=والكبـت منـي خايـف ينفجريـا
لاشك ابصبر والصبر فيه معبـار=عسى الولي يفرج همومٍ حصريـا
والخاتمه صلوا عدد نبت الاشجار=وعداد ماينبت غصـونٍ خضريـا
علي النبي الهاشمي عـد تكـرار=اعداد ما يهطل هطـول المطريـا