سعدون أنا قلبي من الحب مفتون=بسباب من حطن بقلبي مليله
إللي لهن جديل ضافي ومقرون=أم العيون الناعسات الكحيله
طحت بهواهن من غرابيل مفتون=وضلوع قلبي من غرامي نحيله
عشنا الهوى لوعات وأهات وظنون=وخلنا البروق إللي بوسط المخيله
وعشت السعاده وقت وتميت محزون=والعاشق المفتون هذا حصيله
يعقل المجنون ويظهربك جنون=ويخلي الصاحين مثل الهبيله
وفيه الذي على التفاريق يسعون=وفيه الذي تجمع خليل بخليله
من قبلنا عقاب العواجي ياسعدون=ونمر ابن عدوان ومجنون ليله
والسديري ومرشد على إبن لعبون=عشاق تشكي منه ماهي قليله
يابو فهد وأنته مجرب وتدرون=وغصت البحور إللي عريضه طويله
شرحت مما فيه والناس يقرون=هذا الهوى مابين عدله وميله
وإللي معه إحساس وله قلب وعيون=يعرض عن دروبه ويخلي سبيله