.
.
.
.
حنا بها الدنيا سوات السبابيح
أما سبحنا صح وألا غرقنا
.
أحدٍ يعوم ويأخذ شوي ويطيح
وأحدٍ وصل بر الأمان وسبقنا
.
الشعر به حكمة وللنفس ترويح
ويالله عسانا يوم قلنا صدقنا
.
الحرّ يفهم يوم نعطيه تلميح
والصنف الآخر يجهل اللي طرقنا
.
العمر يذبل يالوجيه المفاليح
ولابد مايابس ويسقط ورقنا
.
لاتشتكي من ضيم الأقدار وتصيح
مادامها في دبرة اللي خلقنا
.
والقبر حفرة والنصايب صلافيح
والدور لو يبطي علينا لحقنا
.
قبلك تقافت بالرجال الطحاطيح
لا تحسبنا من بلاهم عتقنا
.
أوضاعنا تحتاج توبة وتصليح
توبة نصوح إن كان ربي رزقنا
.
شعر
محمد محماس المطيري