تصادم الوقت وضروف اليالي صعاب
وضعف التفاكير تتعب من تفاكيرها
وأحيان يبدأ سوْال ولا يجيله جواب
وهل المشاعيب تلها مع مشاعيبها
يلي تعلم ولك مابين ضرسن وناب
ياعيب نفسك من الايام ياعيبها
تمشي ونظرتك دايم فوق روس الهظاب
وصدوف الايام وذنوبك تماريبها
ابعد عن اهل اشقاء وابعد عن اهل الخراب
ياصاحب الجود جنب عن مناديبها
ترى الصحيح اصل ثابت ياعزيز الجناب
ومن دق باب العرب لايئتمن ذيبها
ومنهوا حلم ضاع حلمة ماعرف شالجواب
رتب ولا كمل الحسبه وترتيبها
واصبح يعاني ومرهق والسهر طاب طاب
بدا حياته ونفسه ضاع توجيبها
وحلم بحلم السراب الي غدى كاسراب
ودوكر حلوم أشقى وانفس تشقيبها
فعلت والي فعلته مافعلته صواب
عاشت جروحاً قديمه لا رحم صيبها
حسبتك للوقت مدري بس ضاع الحساب
وطعون قلبك صعيبه وانت تدريبها
تسير وتفسر أوضاعك مالذا وطاب
وحدك تمادا ولا تعرف مواجيبها
ياجنت الخلد جعلك دايماً الثواب
ويالنور شمس الضحى عاشت موازينها
ماطاب يكفي الون الحب هو العذاب
وأهل المناديب تسعى مع ماناديبها
الشاعر / بخيت هادي ال صويلح