سافرت قصدي بالسفر راحت البال=واخذت في وسط البلد خوش فلّه
من تحتها وادٍ عليه المطر سال=ومن فوقها جبالٍ عليها مطلّه
وبجانب الفلّه بساتين وادغال=وغيمٍ حجب شمس المدينه بظلّه
أنهار وأشجار وبحيرات وجبال=جوٍ ماظن اللي يشوفه يملّه
مع كل هذا والفكر معك لا زال=وزولك بوسط العين ماغاب لـلّْه
سبعة شهور اقفت ولا فيه مرسال=وقلب العنا مسقي من الهم دلّه
((عذرك معك)) لو كان حال الجفا طال=دربك صعيب وعارف الوضع كلّه
لكنّ هذا الشوق مايرحم الحال=لا مرّ في قلب المولع يعلّه
وش حيلة المبلي بحبك ولا نال=غير الشقى بالجوف محدٍ فطن لّه
طيفك معي في حلّْ ولا بترحال=حبك شغل فكري غصب واستحلّه
هذا وانا قصدي سفر يشرح البال=مير انقضى مابين قلبي وخلّه