(تقرير متجدد)موضوع شامل .. رحلتي لأسبانياْْ| { غنادير } - شبكة مجالس قبيلة العوازم الهوازنية

**غنادير** · 24-09-2011, 04:17 AM

أســـــبـــــانــــيـــــا

العاصمة: مدريد.
* مساحة البلد:504,783 كم2.
* موقع البلد: تقع إسبانيا في قارة أوروبا وفي الجهة الجنوبية الغربية ،
وتحدها فرنسا وأندورا من الشمال و المحيط الأطلسي ومنطقة جبل طارق التي تحتلها بريطانيا من الجنوب والبحر المتوسط من الشرق، وتقع البرتغال في الجهة الغربية.
* وحدة النقد:البيزيتا - اليورو.
* الحكم: ملكي دستوري - وراثي.
* عدد السكان: قدر عدد سكان إسبانيا عام 1991 بـ ( 39,500,000 ) مليون نسمة منهم 91% من سكان الحضر و 9% من سكان الأرياف.
* اللغة: يتكلم السكان اللغة الإسبانية القشتالية ولا توجد لهجات محلية، كما يتحدث بعضهم لغة شبيهة باللغة البروفنسالية، في قلطونيا تسمى القلطونية وفي الباسك الباسكية وفي جلليسيا الجاليسية.
* الديانة: يدين 99% من الشعب الإسباني بالديانة المسيحية الكاثوليكية، وهناك أقليات من الإسلام والبروتستانت واليهود.
* أهم المدن:
- مدريد وعدد سكانها ( 3,135,000 ) نسمة.
-برشلونة وعدد سكانها ( 1,710,000 ) نسمة.

خط الرحلة :
الكويت > فرانكفورت ( ألمانيا ) > برشلونة ( أسبانيا )
من الكويت لألمانيا 6 ساعات ومن ألمانيا إلى أسبانيا ساعة 45 دقيقة
الخطوط :
طيران لوفتهانزا
مدة الإقامة : 7 أيام
درجة الحرارة : تتراوح مابين الـ 25 إلى 20 وطق مطر وصار عقبها بررررد

سعر التذكرة مع الفيزا : 750 دينار شامل إقامة الفندق .
تعاملنا مع عملة : اليورو

واللحين اخليكم مع التقرير المصور من تصويري وانتاجي وحصري للمنتدى

والصور كلها اصور وانا مستعجله اخاف يروحون عني واضيع << برآآآ هههههههههه

وموضوعي عباره عن اجزاء لان الصور وااجد
وراح يكون التقرير بالتفصيل الممل

هني بمطار فرانكفورت

وهذي صورة بورش معروضه بالمطار صورتها وانا امشي

وهذي صورة السما من الطياره

هذا اتحداكم تعرفونه

اكيد عبالكم كورن فلكس نفس اللي عندنا انا اشوف الناس حواليني ياكلونه عادي ومستمتعين
جان اروح واحط الحليب عليه ويوم اكلت شنو طلع توقعون

لبن ماقدرت شسمه هذا جان ابلعه

وماكليته رديته لهم م1

هني يوم سفطت الطياره بمطار برشلونه ( اسبانيا )

بعدها خذينا تاكسي ورحنا للفندق

وهذا التاكسي ^^

وهذا اللوبي بتاع الفندق << : )

وهذي ورده صناعيه بطاوله الفندق ^^

والغرفه تطل على اسطبل خيول وهذي صورته

وبعدها ريحنا جذي بو ساعتين وطلعنا مجمع قريب صغيرون
وتغدينا عالساعه 4 العصر بتوقيت الكويت و 3 العصر بتوقيت اسبانيا

واحنا قاعدين بطاولة المطعم الحمام يطير حوالينا

وهذي صور سياكل موجوده برا المجمع

وهذي بعض اللقطات من المجمع ^^

هذي ثريا عجبتني حيل وصورتها

وهذي ثريا على شكل ثاني ^^

محل العاب

وهذي صورتهاا عجبني الشكل وبالاخير طلع لحم خنزير

وبعدها ردينا الفندق هذا باليوم الاول لان تعبانين من الطياره كانت الرحله طول الليل

واليوم الثاني طلعنا شارع الرامبلا هذا الشارع مشهور ببرشلونه
ويعتبر الشارع السياحي الاول في برشلونه
وفيه كذا فندق ومجموعة قهاوي ومطاعم ومحلات وسينما
والشارع الحركة فيه على طول اليوم
يعني متى ماتطلع ماراح تمل
كفاية تقعد في حدى الكوفيهات وتتفرج

وان شاء الله بالجزء الثاني من التقرير نكمل بقية الصور عن الرحله انتظرونا
وشارع الرامبلا

يتبع