الا يالله طلبتك تحفظ مفرح ولد ظرمان
من الحساد واهل السوْ واهل النيه الشينه
والا يالله طلبتك تبعده عن راعي النقصان
وعن ضعوف الرجال اهل السعه ترفع موازينه
ابن ظرمان راسي في محله مثل ظلع آبان
مشا في درب ابوه ولا رما ماخطا نياشينه
بعيد الشوف راع الفزعه اللي تروي الظميان
بوقت الضيق ميقافك محد يجحد عناوينه
ابو عبدالله مفرح وابوه امشبع الجوعان
من ايام الحلك والفقر ابو مفرح على دينه
فتح بيته لضيفانه بفضل الخالق الرحمن
عطاه الله على نيته واكرامه لناصينه
شهادت حق في ظرمان ابو مفرح وسيع ابطان
رقا للعز والفعل الرفيع ولا شكا دينه
تدين للضيوف ولا تعذر والعذر نقصان
ومن ضيّف ضيوف الله ولا قفل دواويينه
رزقه الله والله رافعه عن ناقص العربان
وهذا الصدق وان الصدق ثابتن براهينه
عسا الله لا يفرق بين ابو عبدالله وفرحان
وابو ظرمان حقه نذكره والعلم قارينه
وانا والله منسا صاحبي يوسف ولد ظرمان
اله حق اذكره والشعر ماننقص موازينه
وتمت بسم خلاق الخلايق رازق الانسان
ودونت البيوت وكل فعلن تم تدوينه