قصيده استمعت لها عن طريق البلوتوث
لــ شاعر المليون : عبدالكريم الجباري الشمري
وحبيت اكتبها لكم
يقول وعمر القارئ يطول :
كل ما احس وسط القلب همٍ وضيق = أتطرف واحضر دفتري وقلمي
جايب شاي لبتون حاكره في ابريق = زايد بكيلته تقل شاي إعجمي
لي بالشعر نظره فوق قمة إطويق = يوم بعض الأوادم بالنظر منعمي
بين طرقٍ جديد وبين معنىً عميق = وبين حبك القصيد وبين طول إنسمي
فيه قولٍ يليق وفيه قول ماهو يليق = واعرف ابعاد قول ظاهرٍ من فمي
يوم أجي جيت للعالم بوجهٍ طليق = جيت من دار سلمى مسلمٍ و(( أسلمي ))
ماتكبرت يوم الله فتحلي طريق = ولاقهرت الصغير ولاحقرت آدمي
واحمد الله يوم انه عطاني صديق = مثل (( بدر بن سالم )) سيفي ومحزمي
من سلايل (( عطا )) يوم القنا له زريق = سيلوا وادي من كثر صب الدمي
يا (( العوازم )) محازم من يضام ويضيق = من ورد عدهم راويٍ ماضمي
حشمةٍ للقصير وفزعةٍ للرفيق = والدخيل ان زبن في بيوتهم يسلمي
جعل ينشي سحابٍ غادي له صفيق = تحسبٍ صوت رعده للمدافع رمي
سيل القاع مع وديانها والمضيق = من حدود النجيره سيل للسالمي
يا بروقٍ تناها مثل لمع البريق = وجهي(( للعوازم )) سلمي وإسلمي
وكان تبغى صديقٍ مامثيله صديق =من خيار (( العوازم )) خاولك (( عازمي ))
وسلامتكم
للشاعر :
عبدالكريم الجباري الشمري
عبد الكريم الجباري (( يا العوازم محازم من يضام ويضيق ))
( تقرير عن مشاركة مخالفة ) ، و الموجودة أسفل كل مشاركة .