علي عز ياصوت المنادي سمعت الصوت=ولبيـت لـه جعـل المنـايـا تعـدانـي
خذانا الزمان ولا درينـا وفـات الفـوت=وهالحين وين ألقـاك يـا ويـن تلقانـي
سقا الله زمانٍ كان فيه الكـلام أسكـوت=بنظرتك تقرى ماتبي عظمـة .. ألسانـي
زمان الغلا مثل البحر والأمانـي حـوت=علي جالك أنثر شـوق قلبـي ووجدانـي
اسوق الضمير الحى يمك شراب وقـوت=وابدد بضحكة شّفتك .. كومـة احزانـي
زمان القصايد يوم كان القصيـد أبيـوت=أبهـر لـك أدلال القصيـد وتقهـوانـي
عشقتك ولا أنكر كان حبك حياه ومـوت=لكـن . الزمـان اللـي جمعنـا تحدانـي
كبرنا ولا زال الغـلا فالحشـا منحـوت=تمثنـي معاليـق الخفـوق وتمثنـانـي
ياتوت الهوى مدرى خدين الهوى والتوت=لعلك . ليا طـال الزمـن مـا تناسانـي
ترى لايزال الصدر من غيبتـك مكبـوت=تمر السنين وضيق .. فرقاك .. يبرانـي
سقا الله زمان الطيش ومشاهدك والصوت=زمانٍ تحفظيـن القصايـد علـي شانـي